-
කාර්ය මණ්ඩල බාගෙට බාගයක් පොසිටිව්… ඉන්න අය පැය 24ම වැඩ
-
මරණය සමග පොර බදන ලෙඩ්ඩුත් එක්ක වතුර උගුරක් බොන්න වෙලාවක් නෑ… සමහරු දවසටම තේ එකක් බොන්නෙ නෑ…
-
දරුවන්ට ගෙවල්වලට බඩුවක් මුට්ටුවක් ගන්න එළියට බහින්න බෑ…
දැනට රට තුළ පවතින නිරෝධායන ඇඳිරිනීතිය හේතුවෙන් රෝහල් කාර්ය මණ්ඩල සාමාජිකයින් දැඩි ආහාර අර්බුදයකට මුහුණ පෑමට සිදුව ඇතැයි රෝහල් ආරංචි මාර්ග සඳහන් කරයි.
රෝහල්වල කොවිඩ් රෝගීන්ගේ සංඛ්යාව දිනෙන් දින ඉහළ යාමත් සමග රෝහල් කාර්ය මණ්ඩල සාමාජියින් සැලකිය යුතු පිරිසක් ද කොරොනා ආසාදිතයින් බවට පත්විම නිසා රෝගී සත්කාර සේවාව පවත්වාගෙන යාම සදහා ඉතිරිව ඇත්තේ සීමිත සෞඛ්ය කාර්ය මණ්ඩලයක් වන අතර ඔවුන්ටද පැය24 පුරාම රෝගී සත්කාර සේවාවේ යෙදීමට සිදුවීමෙන් හදිසියේ හෝ ආහාර ද්රව්යයක් හෝ මිලදී ගැනීමට විවෘත කර ඇති වෙළඳසැලකට හෝ යෑමට නොහැකි වී ඇති බව ජාතික රෝහලේ හෙද නිලධාරීයෙක් ලංකාසරට අදහස් දක්වමින් සඳහන් කළේය.
කොවිඩ් ආසාදිත පුද්ගලයින්ට පෝෂ්යදායී ආහාරයන් ලබා ගැනිම ඉතාමත් වැදගත් බව වෛද්යවරුන් ප්රකාශ කළද එසේ පෝෂ්යදායී ආහාරයක් තියා තේ එකක් බීමට හෝ අවශ්ය ද්රව්ය ලබා ගැනීමට ස්ථානයක් නොමැතිව ඇතැයි ඔහු පෙන්වාදේ.
උදෑසන සේවා මුරයේ යෙදෙී සිටින හෙදියන්ට නැවත රාජකාරිය නිමවා යාමට සිදුව ඇත්තේ තේ එකක්වත් නොමැතිව යැයි ඔහු සඳහන් කරයි.
වැඩිවශයෙන් රෝහලට ඇතුළත් කරනුයේ කොවිඩ් වයිරසය ආසාදනය වී ඉතා අසාධ්ය තත්ත්වයේ පසුවන රෝගීන් බැවින් ඔවුන් ජීවිතයත් මරණයත් අතර පොර බදින අවස්ථාවන් දිනෙන් දින වැඩිවන බවත් එවැනි අවස්ථාවකදී රෝගියාගේ ජීවිත ගලවා ගැනීමට රෝහල් කාර්ය මණ්ඩලය උත්සය කරනවා හැරුණුවිට කෑමට යමක් ලබා ගැනීමට හෝ ඉඩ ප්රස්ථාවක් ඇති නොවන බව ද ඔහු පෙන්වා දෙයි.
නීසි පෝෂණයක් හෝ නියමිත විවේකයක් නොමැති ව රෝගී සත්කාර සේවාවන්ගේ නිසි පරිදි නියැලීමට නොහැකිවීම හේතුවෙන් හා රෝහල් කාර්ය මණ්ඩලය දිගින් දිගටම රෝගීන් බවට පත්වීම වැලැක්විය නොහැකි තත්ත්වයක් මතුවනු අතැයිද ඔහු පෙන්වාදේ.
කොරෝනා පළමු හා දෙවන රැල්ල තුළදී රෝහල් කාර්ය මණ්ඩලය සඳහා භාණ්ඩ මිලදීගැනීමට ජංගම වෙළඳ රථ වලට ඒමට රෝහල් පරිපාලනය ඉඩ ලබා දුන්නද මෙම රැල්ල තුළදී එවැනි නිසි වැඩපිළිවෙළක් ක්රියාත්මක නොවන බවද ඔහු පෙන්වාදේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
ජාතික රෝහල තුළ පවතින මෙම තත්ත්වය දිවයිනේ අනෙකුත් රෝහල් තුළද ඒ් ආකාරයෙන්ම පවතින බව ඔහු පෙන්වාදේ.
