ශ්රියානි විජේසිංහ –
රසායනික ද්රව්ය නොමැති වීම හේතුවෙන් පරික්ෂා කිරීම සඳහා අවශ්ය ආහාර නියැදි ලබා ගැනීම රසායනාගාර විසින් ප්රතික්ෂේප කර අතැයි මහජන සෞඛ්ය පරික්ෂකවරුන්ගේ සංගමය සඳහන් කරයි.
කලුතර රසායනාගාරයේ බැක්ටීරියානු පරික්ෂණ සඳහා බත් ඇතුළු ඝන ආහාර භාර නොගන්නා බව සංගමයේ භාණ්ඩාගාරික රෝෂන් කුමාර ලංකාසරට පැවසුවේය.
තවද නුවර එළිය සහ මහනුවර දිස්ත්රික්කයන් හි ලබා ගන්නා ආහාර සාම්පල පරික්ෂා කිරීම සඳහා ලබා දීමට සිදුව ඇත්තේ අනුරාධපුර රසායනාගරයට වන බැවින් මහජන සෞඛ්ය පරික්ෂකවරුන්ට බොහෝ දුරබැහැර ගෙවා යාමට සිදුවීම දුෂ්කර වී ඇතැයිද ඔහු පෙන්වා දුන්නේය.
මේ වන විට වෙළඳපල තුළ රසකාරක වර්ණකාරක අන්තර්ගත ප්රමිතියෙන් තොර ආහර විශාල වශයෙන් අලෙවිවන බැවින් වෙනදාට වඩා ආහාර ආරක්ෂණය සම්බන්ධයෙන් අවධානයක් යොමු කළ යුතුව තිබෙන කාලයකදි රසායනාගාරයන්ට ආහාර නියැදි ලබා ගැනීමද සීමා කිරිම මහජනතාවට සිදුවන බලවත් අසාධාරණයක් යැයිද හෙතෙම පෙන්වාදේ.
ජල සාම්පල පරික්ෂණය සදහා අනුරාධපුර සහ කුරුණෑගල රසායනාගාරයන් හී පහසුකම් නොමැති වීමත් ගාල්ල රසායනාගාරය විවිධ හේතු දක්වමින් සාම්පල භාර නොගැනීමත් හේතුවෙන් ජල සාම්පල පරික්ෂා කිරීමද අඩපණව ඇතැයි පැවසේ.
මෙතරම් බාධක තිබියදීත් දිවයින පුරා සිටින මහජන සෞඛ්ය පරික්ෂකරුවන් 2500ක් පමණ දෙනා මාසිකව ආහාර නියැදි 4000ක පමණ විශ්ලේෂණය සදහා යොමු කරනුයේ කිසිදු පහසුකමක් ඔවුන්ට ලබා නොදෙන වටාපිටාවක් තුළ යැයිද ඔවුහු පෙන්වාදෙති.
කෙසේ නමුත් මහජන සෞඛය පරික්ෂකවරුන් මෙතෙරම් සේවයක් කරද්දීද වුවද ආහාර සුරක්ෂිතතාවය, ආරක්ෂණය සම්බන්ධයෙන් තීන්දු තීරණ ගන්නා කිසිදු සාකච්ඡාවකට තම නියෝජිතයින්ට ආරාධනා නොකරන බවද මහජන සෞඛ්ය පරීක්ෂවරුන්ගේ සංගමය පවසා සිටියි.
