අසේල කුරුළුවංශ –
දරුවා පාසැලට රැගෙන යමින් සිටි අවස්ථාවක මවක් සහ දරුවෙක් බලහත්කාරයෙන් පැහැරගෙන ගොස් නිවසක සිරකොට පහරදුන් බවට චෝදනා ලද මහනුවර ප්රධාන රථ වාහන අලෙවි ව්යාපාරයක හිමිකරුවෙකුගේ බිරිය, ඔහුගේ පුත්රයා සහ ලේලිය අද (04) පැමිණ මූලස්ථාන පොලිසියට භාර වී තිබේ.
මේ තිදෙනා පොලිසියට මග හරිමින් සිටීමෙන් අනතුරුව මෙසේ භාර වී ඇත.
වාර්තාවන පරිදි සිද්ධිය මෙසේය.
පසුගිය31 දා කටුගස්තොට ප්රදේශයේ පදිංචි කාන්තාවක තම කුඩා දරුවා පාසලට රැගෙන යමින් සිටි අවස්ථාවේ මැදිවියේ කාන්තාවක් සහ ඇයගේ පුත්රයා මෙම කාන්තාව සහ දරුවා බලහත්කාරයෙන් වාහනයක දමාගෙන පැහැර ගෙන ගොස් තිබේ.
අනතුරුව අනිවත්ත ප්රදේශයේ නිවසක කාන්තාව සිර කරගෙන ඇයට අමානුෂික ලෙස පහර දී ඇත්තේ සිය දරුවා ඉදිරියේ ඇයව නිරුවත් කරමිනි. මෙම පහර දිමට හේතුව වී තිබුණේ මෙම කාන්තාව සහ ඉහත වාහන ව්යාපාරිකයා අතර තිබූ බව කියන අනියම් සම්බන්ධතාවයක් හෙළිදරවු වීමක් බව කියැවිනි.
සිය බිරිය හා පුතා එක්ව තමන් හා හාදකම් පවත්වන කාන්තාව නිවසක සිරකරගෙන පහර දෙමින් ඇති බව ව්යාපාරිකයාට සැල වන්නේ ඒ අතරය. ඔහු කෙලින්ම එම ස්ථානයට යන විට කාන්තාව දැඩි ලෙස පහර කා සිටින ආකාරයත් කෝපයෙන් වියරු වැටුනු සිය පුතා තමන්ට පහර දෙන්නට සැරසෙන ආකාරයත් නිරීක්ෂණය වී තිබේ. ව්යාපාරිකයා සිදුකර ඇත්තේ බිරිය සහ සිය පුතාගෙන් කාන්තාව බේරා ගෙන තමන්ට ද ආරක්ෂාව සසලසා ගැනීම සඳහා අහසට වෙඩි තැබීමය.
ඉන් පසු ඔහු කාන්තාවද වාහනයට නන්වාගෙන පිටවී ගොස් තිබේ. පහර කෑ කාන්තාව මහනුවර ජාතික රෝහලට ඇතුළත්ව ප්රතිකාර ලබා ගනිද්දී සිද්ධිය සම්බන්ධයෙන් මූලස්ථාන පොලිසිය විමර්ශනයක් ආරම්භ කරන්නේනේය. ඒ අවස්ථාවේ දී ව්යාපාරිකයාගේ බිරිඳ හා පුත්රයා ප්රදේශයෙන් පලා ගොස් සිටියේය.
පසුව ඔවුන් පොලිසිය වෙත භාර වී තිබිණි. ව්යාපාරිකයා අහසට වෙඩි තබා තිබුණේ සිය බලපත්ර සහිත පිස්තෝලයෙනි. එම ගිනි අවියද පොලිසිය සිය භාරයට ගෙන ඇත. පොලිසියට බාර වූ ව්යාපාරිකයාගේ , බිරිය, පුත්රයා මෙන්ම එම අවස්ථාවේ නිවසේ සිටි ලේලියද ගෙන්වා ප්රකාශ සටහන් කරගැනීමෙන් පසු ඔවුන් මහනුවර අධිකරණයට ඉදිරිපත් කිරීමට කටයුතු කරන බව පොලිසිය පැවසුවේය. .
මධ්යඹ පළාත් භාර නියෝජ්ය පොලිස්පති සුදත් මාසිංහගේ, මහනුවර කොට්ඨාස භාර ජ්යෙෂ්ඨ පොලිස් අධිකාරි අනුරුද්ධ හක්මනගේ උපදෙස් මත මහනුවර මූලස්ථාන භාර ප්රධාන පොලිස් පරීක්ෂක රසික සම්පත් විසින් සිද්ධිය පිළිබඳව පරීක්ෂණ පවත්වයි.
