ක්රිකට් තහනම සම්බන්ධව ජාත්යාන්තර ක්රිකට් කවුන්සිලය සමග සාකච්ඡා කිරීමේ වගකීම කැබිනට් මණ්ඩලය විසින් පත් කළ කැබිනට් අනුකමිටුව වෙත පැවරූ වග ජනාධිපති රනිල් වික්රමසිංහ අද පැවසුවේය.
ජනාධිපතිවරයා මේ බව සඳහන් කළේ මාධ්ය ආයතන ප්රධානීන් සමඟ අද (14) පස්වරුවේ ජනාධිපති කාර්යාලයේ පැවති හමුවකදී මාධ්යවේදියෙකු නැගු ප්රශ්නයකට පිළිතුරු ලබා දෙමිනි.
ක්රිකට් සංවර්ධනයට බිලියන 1.4ක් මෙවර අයවැයෙන් වෙන් නමුත් මේ වන විට ක්රිකට් තහනම් කර ඇති බවත් ක්රිකට් තහනම ඉවත් කර ගැනීමට ජනාධිපතිවරයාට ඇති වැඩපිළිවෙළ කුමක් යන්නත් මාධ්යවේදියා විසින් විමසුවේය.
ඊ්ට පිළිතුරු දෙමින් ජනාධිපතිවරයා කීවේ . කඩා වැටුණු ආර්ථිකය යළි නැගූ ලෙස මෙරට ක්රිකට් ක්රීඩාව නැවත ගොඩනගන බවද ඔහු අවධාරණය කළේය.
ජනාධිපතිවරයා මෙසේ ද පැවසුවේය.
“ජාත්යන්තර ක්රිකට් කවුන්සිලය සමඟ සාකච්ඡා කිරීම කැබිනට් මණ්ඩලය විසින් ක්රිකට් සම්බන්ධව පත් කළ කැබිනට් අනු කමිටුව වෙත පවරා තිබෙනවා. කෙසේ හෝ අපට අහිමි වූ තරඟ නැවත ලබා ගැනීමට උත්සාහ කරනවා. “
“මෙවර අය වැයේ දී ක්රිකට් සඳහා බිලියන 1.4ක් ලබා දුන්නේ පාසල් සිසුන්ගේ කුසලතා දියුණු කිරීමටයි. බස්නාහිර පළාතේ නම් එවැනි ප්රශ්නයක් නැහැ. අනෙක් පළාත්වල ක්රිකට් දියුණු කළයුතුයි. 2030 වන තෙක් මේ අයුරින් මුදල් වෙන් කිරීමට බලාපොරොත්තු වෙනවා. ඒ වන විට අපට ලෝකයේ පළමු තැනට පැමිණීමට හැකි වේවි.”
“1996 දී අප ලෝක කුසලානය ජයග්රහණය කළේ ගාමිණි දිසානායක මහතා ගෙන ගිය වැඩපිළිවෙළ නිසයි. එවකට මා පාසල් ක්රිකට් ක්රීඩකයන් වෙනුවෙන් වැඩ කොටසක් සිදු කළා. ගාෆිල්ඩ් සෝබස් මහතා ලංකාවට පැමිණ අපට උදව් කළා. මේ රටේ වැටුණු ආර්ථිකය ගොඩනඟන්න පුළුවන් වුණානම් ක්රිකට් ක්රීඩාවත් ගොඩගත හැකියි.”
ජනාධිපතිවරයා කීවේය.
