ලලිත් චාමින්ද
තව දින තිහකින් මේ රටේ පත්වෙන නව නායකයාට සහ . නව රජයට රටට දේශයට හිතවත් වැඩපිළිවෙළක් ක්රියාත්මක කිරිම සඳහා රටේ ආර්ථිකය ඉතා ඉක්මනින් ගොඩනැගිමට මේ රටේ සියලුම ව්යාපාරික ප්රජාවගේ සහයෝගය ලබාදිය යුතුව ඇති බැව් ව්යවසායක ඩඩ්ලි සිරිසේන පවසයි.
ලෝක ඡයාරූප දිනය නිමිත්තෙන් ගාල්ල නගර ශාලාවේ දි පැවැති සැමරුම් උත්සවයකට එක්වෙමින් හෙතෙම මේ බව සදහන් කළේය.
ඩඩ්ලි සිරිසේන මෙසේද කිවේය.
“දේශයට හිතවත්, රටට ආදරය කරණ ව්යාපාරික ප්රජාවගේ දියුණුව ගැන රටේ සමස්ත ජනතාවගේ අනාගතය ගැන හිතන කෙනෙක් වශයෙන් ඒ නව නායකයාට රජයට මතක් කරන්න කැමතියි. පත්වන නායකයාට අභියෝගයක් කරන්න නෙවෙයි. ඉතාමත් සුහදව වැඩකටයුතු කරගෙන යාම සඳහා රටට දේශයට හිතවත් වැඩපිළිවෙළක් ක්රියාත්මක කිරිම සඳහා රටේ ආර්ථිකය ඉතා ඉක්මනින් ගොඩනැගිම සඳහා ඒ පත්වෙන නායකයාට ඒ පත්වෙන රජයත් සමග මේ රටේ සියලුම ව්යාපාරික ප්රජාව ඉතා සුහදව කටයුතු කරනවා.”
“නව රජයක් පත්වෙලා මාස තුනකට පසු සමස්ත ව්යාපාරිකයින්ගේ සංගමයක් අපි සියලු දෙනා එකතු වෙලා පිහිටවමු කියලා මම යෝජනා කරණවා. අපගේ වෙළඳ ව්යාපාරික ප්රජාව පමණක් නෙවෙයි. රටේ සිදුවන අකටයුතුකම ආසාධාරණ කම් ගැන රටේ ආර්ථිකය ගොඩනැගීම සඳහා ශක්තියක් වෙන්න දායකත්වයක් වෙන්න අපි කණ්ඩායමක් එකතුවෙලා ව්යාපාරිකයින් රටේ ජනතාව රට පාලනය කරනු ලබන දේශපාලනඥයින් වශයෙන් රට පරිපාලනයට සම්බන්ධ රාජ්ය හා පුද්ගලිකඅංශයේ සේවකයින් වෙනුවෙනුත් සාමාන්ය ජනතාව වශයෙන් එකතුවෙලා අනගාත වැඩපිළිවෙළක් උදෙසා අපි සහ සම්බන්ධවෙමු” . ඩඩ්ලි සිරිසේන වැඩිදුරටත් සදහන් කළේය.
