ලලිත් චාමින්ද –
ගාල්ල කරාපිටිය ජාතික රෝහලේ හෘද සහ උරස් කුහර ඒකකය තුළ හෘද සැත්කම් කරවා ගැනිම සඳහා රෝගින් 4000කට අධික සංඛ්යාවක් ලියාපදිංචි වි සිටින බැව් කරාපිටිය ජාතික රෝහලේ අධ්යක්ෂක විශේෂඥ වෛද්ය එස්.පි.යු.එම් රංගා පවසයි.
ඒ අනුව හෘද සැත්කම් කරවා ගැනිම සඳහා 2025 වර්ෂයේ දි කරාපිටිය ජාතික රෝහලේ හෘද හා උරස් කුහර ඒකකය තුළ ලියාපදිංචි වි සිටින රෝගියෙකුට වසර තුනක පමණ කාලයක් බලාසිටිමට සිදුවි ඇත. මේ පිළිබද අදහස් දක්වමින් කරාපිටිය ජාතික රෝහලේ අධ්යක්ෂකවරයා මෙසේද කිවේය.
“හෘද හා උරස් කුහර ඒකකය තුළ ශල්යාගාර තුනක් තියෙනවා. නමුත් භාවිතා කරන්නේ ශල්යාගාර දෙකක් පමණයි. හෘද හා උරස් කුහර පිළිබඳ විශේෂඥ ශල්ය වෛද්යවරු 03 දෙනෙකු ඉන්නවා නමුත් ශල්යාගාර තුනම එකවිට ප්රයෝජනයට ගන්න බැහැ. මාසයකට හෘද සැත්කම් 35ක් විතර කරනවා. වසරකට හෘද සැත්කම් 350ක් 400ක් අතර සංඛ්යාවක් තමයි සිදුකරන්නේ. නිර්වින්දන වෛද්යවරු තුන් දෙනෙකු අවශ්යවුනත් ඉන්නේ දෙදෙනායි. එක් අයෙකු කොන්ත්රාත් පදනම මත තමයි බඳවාගෙන තියෙන්නේ. ”
“හෘද හා උරස් කුහර පිළිබද විශේෂඥ වෛද්යවරු දෙදෙනෙකුට පමණයි වෛද්යවරු ඉන්නේ. වෛද්යවරු 15 දෙනෙකු අවශ්ය වුවත් ඉන්නේ වෛද්යවරු 08 දෙනෙකු පමණයි. විශේෂඥ වෛද්ය නාමල් ගමගේ ඉන්නවිට ඔහු දිනකට හෘද සැත්කම් 04ක් විතර සිදුකළා. ඔහුගේ පළපුරුද්ද අනුව මාසයකට හෘද සැත්කම් 35ක් පමණ සිදුකළා.” යැයිද රෝහල් අධ්යක්ෂකවරයා වැඩිදුරටත් සඳහන් කළේය.
