මනම්පිටිය නිමල් ජයරත්න –
නවසේනපුර වෘත්තීය පුහුණ මධ්යස්ථානයේ රැඳවියන් සහ කණදකාඩු වෘත්තිය පුහුණු මධ්යස්ථානයේ රැඳවියන් දෙපිරිසක් අතර ඇති වූ ගැටුමක් අතරතුර පලාගොස් සෝමාවතිය වනෝද්යානයේ හා ඒ අවට සැඟව සිටින කන්දකාඩු පනරුත්ථාපන කඳවුරේ රැදවියන් අත් අඩංගුවට ගැනීම සඳහා පොලිසිය සහ යුද හමුදාව එක්ව විශේෂ ඒකාබද්ධ මෙහෙයුමක් ක්රියාත්මක කර ඇති බව වැලිකන්ද පොලිස් ස්ථානාධිපති ප්රධාන පොලිස් පරික්ෂක සමන්ත රත්නායක පවසයි.
කන්දකාඩු පුනරුත්ථාපන මධ්යස්ථානයේ රැඳවියන් 408 දෙනෙකු පුනරුත්ථාපනය වෙමින් සිටි අතර ඔවුන්ගෙන් 200 ක ආසන්න පිරිසක් පලාගොස් තිබෙන බව එම මධ්යස්ථානය අද උදේ තහවුරු කර තිබිණි.
මෙම කඳවුරෙන් රැඳවියන් පලා යෑම මෑතක සිට අඛණ්ඩව සිදුවන අතර කඳවුරේ ක්රියාත්මක පරිපාලන ක්රමවේද සම්බන්ධව ද බරපතල ගැටලුවක් නිර්මාණය වී ඇත.
පසුගිය ජනවාරි 12 වෙනිද ද පුනරුත්ථාපන මධ්යස්ථානයේ රැඳවියන් දෙපිරිසක් අතර ආහාර ප්රශ්නයක් මුල් කර ගෙන ගැටුමක් හට ගත් අතර ඉන් රැදවියන් 29 දෙනෙකු තුවාල ලබා වැලිකන්ද හා පොලොන්නරුව රෝහල්වලට ඇතුළත් කෙරිණි ..
එම ගැටුම අතර තුරද රැදවියන් 92 දෙදෙනකු පලාගිය අතර ඉන් නව දෙනෙකු තව දුරටත් අතුරුදන්ව සිටිති.
අත් අඩංගුවට පත් වූ සෙසු රැදවියන් සම්බන්ධව අධිකරණ ක්රියා මාර්ග ගෙන ඇති බව වැලිකන්ද පොලිසිය කියයි..
