පොහොට්ටුවේ බලය සහිත කඩුගන්නාව නගර සභාවේ සභාපති අමිල වේරගොඩ අපරාධ පරීක්ෂණ දෙපාර්තුමේන්තුමේන්තුව මගින් අද (24) අත්අඩංගුවට ගත්තේය.
ඔහුට එරෙහිව කූඨ ලේඛන උපයෝගි කරගෙන විදෙස් ගමන් බලපත්රයක් සකස් කර එල්ටීටීඊ සාමාජිකයන්ගේ බිරියන් මුදල් ලබා ගෙන විදෙස් රටවලට රැගෙන ගිය බවට චෝදනා එල්ල වී විමර්ශන ආරම්භ කර තිබිණි.
ඔහුට එල්ල වූ චෝදනා සම්බන්ධව විමර්ශන ආරම්භවූ අවස්ථාවේදීම නගර සභාවේ සභාපති නිල නාමය නගරාධිපති ලෙස වෙනස් කර සැකසූ කූඨ ලේඛණයක් ආගමන විගමන දෙපාර්තුමේන්තුවට ඉදිරිපත් කර ඇති ආකාරයත්, එම ලේඛණය යොදාගෙන අදාළ විදේශ ගමන් බලපත්රය සකස්කර ගෙන තිබෙන ආකාරයත් හෙළි දරවු විය.
මෙම කූඨ ලේඛණය සකස් කිරීම සඳහා ඔහුට සහය ලබාදීම හේතුවෙන් නගර සභාවේ එවකට සිටි ලේකම්වරිය වෙනත් ආයතනයකට මාරු කිරීමට මධ්යම පළාතේ පළාත් පාලන කොමසාරිස් මේනක හේරත් කටයුතු කළේය. ඒ වසරේ මැයි මාසයේදී ය.
අදාළ සිද්ධිය සම්බන්ධයෙන් ප්රකාශයක් ලබා ගැනීමට සභාපතිවරයාව අද (24) අපරාධ පරීක්ෂණ දෙපාර්තුමේන්තුවට කැඳවා තිබිණි.
අද 24 දින රහස් පොලිසිය වෙත කැඳවූ සභාපතිවරයා ප්රකාශයක් ලබා ගැනීමෙන් අනතුරුව අත්අඩංගුවට ගෙන තිබේ.
සභාපතිවරයාගේ වංචනික කටයුතු රැසක් සම්බන්ධව කඩුගන්නාව ප්රදේශ වාසීන් හා විපක්ෂ දේශපාලකයන් විසින් මධ්යම පළාත් ආණ්ඩුකාරවරයා වෙත මෙන්ම පොලිසියට ද පැමිණිලි කර තිබිණි.
මේ සම්බන්ධයෙන් සිදුකළ විමසීමකදී කඩුගන්නාව නගර සභාවේ උප සභාපති එස්.කේ.විජේරත්න පැවසුවේ සභාපතිවරයා අත් අඩංගුවට ගෙන ඇති බැවින් නගර සභාවේ වැඩ බලන සභාපතිවරයා වශයෙන් 25 දිනයේ වැඩ භාර ගන්නා ලෙස මධ්යම පළාත් පාලන කොමසාරිස් මේනක හේරත් තමන්ට දැනුම් දුන් බවයි.
