ඉන්දියාවේ ඔඩීෂා ප්රාන්තයේ ප්රධාන අමාත්ය නවීන් පට්නායික් ඉකුත් බදාදා ජපානයේ ටෝකියෝ හි ව්යාපාරික රැස්වීමකට සහභාගී වූ අතර ජපාන ආයෝජකයින්ට තමන් ප්රාන්තයට පැමිණීමටත් එහිදී නව ආයෝජන අවස්ථා පිළිබඳ සොයා බැලීමටත් ආරාධනා කළේය.
පසුගිය කාලයේදී ඔඩීෂා ප්රන්තය වෙත හරිත හයිඩ්රජන් සහ හරිත ඇමෝනියා, හරිත බලශක්ති උපකරණ නිෂ්පාදනය සඳහා ඉන්දීය රුපියල් කෝටි විසි පන්දහසකට අධික ආයෝජනයක් ලැබුණි. එහිදී තොරතුරු තාක්ෂණ ක්ෂේත්රයට සැලකිය යුතු ආයොජන ප්රමාණයක් ලැබී තිබීමද විශේෂත්වයකි.
මෙහිදී ඔඩීෂා රජය ජපානයේ ඉන්දීය තානාපති කාර්යාලය, ජපාන විදේශ වෙළඳ සංවිධානය සහ ඉන්දියානු වාණිජ හා කර්මාන්ත සම්මේලනය සමඟ එක්ව ඔඩිෂා බිස්නස් මීට් ටෝකියා 2023 ඉතා උත්කර්ෂවත්වය පැවැත්වීය.
ඊට ජපානය පුරා විවිධ කර්මාන්ත නියෝජනය කරමින් නියෝජිතයින් 200 කට අධික පිරිසක් සහභාගී වූ රැස්වීමට ප්රධාන අමාත්යවරයා ජපාන විදේශ වෙළඳ සංවිධානය හි විධායක උප සභාපති කසුයා නකාජෝ ඇතුළු ජ්යෙෂ්ඨ නිලධාරීන් රැසක් සහභාගී වූහ.
මෙම අවස්ථාවේදී නකෝජෝ අදහස් දක්වමින් කියා සිටියේ ඔඩිෂා ප්රාන්තය ජපාන ආයෝජකයින්ට ඉතාම වැදගත් බවත් එහිදී ප්රාන්තය සපයන සේවාවන් මගින් ආයෝජනයට ඉතා යහපත් පරිසරයක් නිර්මාණය වී ඇති බවත්ය. ඒ අනුව සියලුම ජපාන ආයෝජකයින්ගෙන් ඔඩිෂා හී සිය ආයෝජනයන් කිරීම සම්බන්ධයනේ වැඩි අවධානයක් යොමුකරන ලෙසටද ඉල්ලා සිටියේය.
මෙහිදී ඔහු වැඩිදුරටත් පෙන්වා දුන්නේ, ඔඩිෂා ප්රාන්තය ස්භාවිත සම්පත් වලින් සමන්විත ප්රදේශයක් බවත් එම සාධක අයෝජකයන්ගේ ඵලදායීතාවය වර්ධනය කරගැනීමට වඩා වැදගත් වනු ඇති බවටද විශ්වාස පළකළේය.
