2021 ශ්රී ලංකා විවාහක රූ රැජින තරඟයේ කිරුළ ලබා දීමේදී සිදු වූ ආන්දෝලාත්මක සිද්ධියට අදාළව කිරුළ අහිමි වී යළි හිමි වූ පුෂ්පිකා ද සිල්වා විසින් කරන ලද පැමිණිල්ලට අදාළව ලෝක විවාහක රූ රැජින වන කැරොලයින් ජූරි කුරුදුවත්ත පොලීසියට පැමිණ අද ප්රකාශයක් ලබාදී තිබේ.
ප්රකාශය දෙමින් කැරලයින් ජුරි පවසා ඇත්තේ “විවාහක රෑ රුජිණ තරගයට දික්කසාද අයෙකුට ඉදිරිපත් වෙන්න පුළුවන්. නමුත් එයා දික්කසාද නම් තරගයට ඉදිරිපත් වුණත් කිරුළ දරන්න බෑ. ඒ නිසයි ඒක ගැලෙව්වේ” යනුවෙනි.
පසුගිය හතරවෙනිද රාත්රිය නෙළුම් පොකුණ නෙළුම් පොකුණ රඟහලේ අති උත්කර්ෂවත් අන්දමින් පැවැත්වුණු ශ්රී ලංකා විවාහක රූ රැජින තරගයේ කිරුළ හිමි කරගත්තේ පුෂ්පිකා ද සිල්වා මහත්මියයි.
ඒ සමඟම ලෝක විවාහක රූ රැජිණ වන කැරලයින් ජූරි පුෂ්පිකා ද සිල්වා දික්කසාද වී ඇති බැවින් කිරුළට හිමිකම් කිව නොහැකි බව පවසමින් පුෂ්පිකාගේ හිස මත තිබූ කිරුළ ගලවා යළිත් කිරුළ ලබා දුන්නේ දෙවැනියා වන ආශ්යා බස්නායක නැමැත්තියට ය. ඇය කුරුණෑගල දිස්ත්රික් හිටපු පාර්ලිමේන්තු මන්ත්රී සාරනාත් බස්නායකගේ විවාහක බිරිදයි.
මෙම සිද්ධියෙන් පසු වේදිකාවෙන් බැසගිය පුෂ්පිකා තමා සැමියාගෙන් වෙන් ව සිටිය ද වෙන්ව සිටියද තවමත් දික්කසාද නොමැති බව පවසමින් පසුදින සිය ෆේස්බුක් ගිණුමේ සටහනක් තබා කුරුඳුවත්ත පොලිසියට පැමිණිල්ලක් කර රෝහල්ගත වී තිබිණ.
පොලීසීය පවසන්නේ මෙම පැමිණීල්ල දෙපාර්ශවය විසින් සමතයකට පත්නොවන්නේ නම් සමත මණ්ඩලයට ඉදිරිපත් කිරීමට පියවර ගන්නා බවයි.
කෙසේ වෙතත් අද දිනයේදී පුෂ්පිකා ද සිල්වා ට යළි ශ්රී ලංකා විවාහක රූ රැජින රැජිණ 2021 කිරුළ හිමිවිය.
