පේදුරුතුඩුව ප්රදේශයේ දී අද ( 16) උදේ 7.30ට පමණ අණ නොතකා මාර්ග බාධයක් හාරහා ධාවනය කළ කැබ් රථයකට විශේෂ කාර්ය බලකා නිලධාරීන් විසින් එල්ල කළ වෙඩි ප්රහාරයක් නිසා තුවාල ලද පුද්ගලයින් 02ක් පේදුරු තුඩුව රෝහලට ඇතුළත් කර ඇතැයි පොලිස් මාධ්ය ප්රකාශක ජ්යෙෂ්ඨ නියෝජ්ය පොලිස්පති අජිත් රෝහණ ප්රකාශ කළේය.
පොලිස් මාධ්ය ප්රකාශකවරයා වාර්තා කරන පරිදි සිද්ධිය මෙසේය.
අනවසර වැලි ගොඩදැමීම් විශාල වශයෙන් සිදුවන ස්වභාවික වැලි නිධියක් ආරක්ෂා කිරීම සඳහා විශේෂ කාර්ය බලකාය විසින් පේදුරු තුඩුව ප්රදේශයේ මාර්ග බාධයක් පවත්වාගෙන යනු ලබයි. .
අද උදෑසන 730ට පමණ වැලි නිධිය ඇති ප්රදේශයේ සිට පැමිණි කැබ් රථයක් මාර්ග බාධකයේ සිටි නිලධාරීන්ගේ සංඥා නොසලකා ඉදිරයට ධාවනය කර තිබේ.
ඒ වනවිට ඇණ ලෑලී සහිත බාධක දෙකක් කැබ් රථය ඉදිරයට යොදවනු ලැබුව ද ඒ බාධක ද නොසලකා හිමින් වාහනයේ ටර්වල හුළං නොමැති අවස්ථාවකදී ත් රථය ධාවනය කර ඇත.
එමෙන්ම ඊට ඉදිරියෙන් සිටි නිලධාරීන් කැබ් රථයට යට කිරීමේ උත්සාහයක් ද එම රථයේ සිටි පුද්ගලයින් දරා තිබේ.
මේ තත්වය තුළ විශේෂ කාර්ය බලකා නිලධාරීන් වෙඩි තැබීමක් සිදුකර ඇත. කැබ් රථය වෙඩි පහර කාගෙන නොනවත්වා ධාවනය කර තිබේ.
පසුව ලැබුණු තොරතුරු අනුව වෙඩි ප්රහාරයෙන් තුවාල ලද පුද්ගලයින් දෙදෙනෙක් පේදුරු තුඩුව රෝහලට ඇතුළත් කර තිබේ.
මේ පුද්ගලයින් වයස අවුරුදු 23 හා 26හි පසුවන්නන්ය. සිද්ධිය පිළිබඳව පේදුරුතුඩුව පොලිසිය පරීක්ෂණ පවත්වයි.
පොලිස් මාධය ප්රකාශකවරයා කී කතාව මෙසේය.
