කොවිඩ් වසංගතයට එරෙහිව ප්රතිශක්තිය ලබා දෙන එන්නත් ලෝකයේ කිසිදු ආගමකින් දහමකින් විරෝධයක් දක්වා නැති බවත් ලෝකයේ එන්නත්කරණය සිදු කිරීමේදී මුලින්ම එන්නත් ලබා දුන් රටවල් අතර මැද පෙරදිග රටවල් ප්රමුඛවන බවත් කොළඹ විශ්ව විද්යාලයයේ ප්රජා වෛද්ය විද්යාව පිළිබඳව මහාචාර්ය මනුජ් ක්රිෂාන්ත වීරසිංහ පවසයි.
අද කොළඹ ජාතික සංවර්ධනය පිළිබඳ මාධ්ය මධ්යස්ථානයේ පැවති මාධ්ය හමුවකදී අදහස් දැක්වූ මහාචාර්ය වීරසිංහ සඳහන් කළේ මෙම තත්ත්වය මත කිසිදු ආගමික මතවාදයකින් එන්නතක් ලබා ගැනීම කෙරෙහි බලපෑමක් සිදු කොට නැති බවයි. එය ලෝකය පුරාම අදහන සෑම ආගමකම පොදු ලක්ෂණයක් වී ඇති බව ඔහු පෙන්වා දුන්නේය. එන්නත්කරණය පිළිබඳව පවතින වැරදි මතවාද පිළිබඳ ව දැනුවත් කිරීමේ මාධ්ය හමුවක් ඇමතූ මහාචාර්යවරයා තවදුරටත් මෙසේද පැවසීය.
“ ලෝකයේ වෛද්ය ක්රම රාශියක් තිබෙනවා. එයින් එක් එක් වෛද්ය ක්රමය තුළ එක් එක් අංග විශේෂයෙන් සාර්ථක වී තිබෙන බව අප පිළිගත යුතුයි. එයින් බටහිර වෛද්ය විද්යාව තුළ වඩාත් සාර්ථක ප්රතිකාර ක්රමවේදයක් වෙන්නේ එන්නත්කරණය. එය ඕනෑම වෛද්ය ක්රමයක් පිළිගන්නා සත්යයක්.“
“කොහොම වුණත් මේ එන්නත්කරණයට විරුද්ධව ලෝකයේ එදා මෙදාතුර විරෝධාකල්ප ගොඩ නැගුණා. එන්නත්කරණයේ ඉතිහාසය වසර 170ක් පමණ. මේ කාලය තුළ ලෝකයේ වැදගත් එන්නත් හඳුන්වා දුන් සෑම අවස්ථාවකම ඊට එරෙහිව ව්යාපාර විරෝධතා ගොඩ නැගුණා. විශේෂයෙන් වසූරිය, ගලපටලය, පිට ගැස්ම ජලභීතිකා එන්නත හඳුන්වා දුන් අවස්තාවලදී ඒවා විෂ සහිත බව සඳහන් කළා. දැන් කොවිඩ් එන්නතින් පරිගණක චිප් ඇතුළු කරනවා වගේ කතා එදාත් කියවුණා.“
“ඔවුන් එහිදී විවිධ තර්ක යොදා ගන්නවා. දේශීය වෙද්ය ක්රමවලට සුදුසු නෑ කියල සමහරු කියනවා. නමුත් අද මෙරට භාවිත වන ආයුර්වේද, දේශීය සිද්ධ යුනානි ඇලෝපති මේ සෑම වෛද්ය ක්රමයක්ම බටහිර වෛද්ය විද්යාවෙන් දෙන මෙම එනන්නත්කරණය පිළිගන්නවා එම කිසිදු වෛද්ය ක්රමයක් එන්නතක් නිසා හෑල්ලු වනනේ නෑ “ යයිද පැවසීය.
මෙම එන්නත්කරණයට විරුද්ධ වන බොහෝ පුද්ගලයන් ඒ පසුපස වාණිජ අරමුණක් සහ න්යායපත්රයක් ඇති බවත් මෑත කාලයේදී සමාජ මාධ්ය නාලිකා හරහා එන්නත් කෙරෙහි විරෝධයක් ගෙන ගිය එක් වෛද්යවරයෙක් පිළිබඳව සොයා බැලීමේදී ඔහු වෙනත් ඖෂධයක් විකිණීමේ අරමුණ ඇතිව මෙම විරෝධය ගෙන යන බවට සාක්ෂි හමුවූ බවත් මහාචාර්ය වීරසිංහ එහිදී තවදුරටත් සඳහන් කළේය.
