පසුගිය 20 වැනිදා උස්වැටකෙයියාව මෝගන්වත්ත වෙරළ තීරයේ දී ඝාතනයට ලක්වුන අයේෂ්කාන්ත බෝපේආරච්චි නැමැති 29 හැවිරිදි පුද්ගලයා ඝාතනයට සම්බන්ධ සැකකරුවන් 07 දෙනෙක් අත් අඩංගුවට ගත් බවත් ඒ පුද්ගලයින් අතර ඝාතකයා ද සිටින බවත් විමර්ශන අංශ අනාවරණය කරයි.
මෙම ඝාතනය ටී.56 ගිනි අවියකින් වෙඩි තබා සිදුකර තිබිණි. එම වෙඩි තැබීමේ සීසිටීවී දර්ශනයක ද සටහන් වී තිබී හමුවිය.
මීගමුව කොට්ඨාසය භාර ජ්යෙෂ්ඨ පොලිස් අධිකාරීවරයාගේ උපදෙස් අනුව සිදුකළ විශේෂ විමර්ශනයකදී එම සැකකරුවන් අත්අඩංගුවට ගෙන ඇති බව වාර්තා වෙයි.
දිවයිනේ ප්රදේශ කිහිපයක දී සැඟව සිටියදී එම සැකකරුවන් අත්අඩංගුවට ගෙන ඇති බවත් ඒ අතර කාන්තාවක සිටින බවත් විමර්ශන තොරතුරු හෙළි කරයි.
මෙම ඝාතනය මත්ද්රව්ය ජාවාරම්කරුවන් අතර ඇති වු මතභේදයක් මත සිදුවී ඇතැයි මූලික තොරතුරු ලැබි ඇත. මීගමුව පොලිසිය වැඩිදුර විමර්ශන සිදුකරයි.
