උතුරුමැද පළාත් සභාව වංචා සහගත ලෙස වාහන වෙන්දේසියක් පවත්වා රජයට විශාල පාඩුවක් සිදුකර ඇති බවත් කෝටි තුනකට වඩා වටිනාකමින් යුත් බීඑම්ඩබ්ලියු රථයක් ලක්ෂ 55කට අලෙවි කර ඇති බවත් කියමින් සාහසික බොරු චෝදනා එල්ල කළ දයාසිරි ජයසේකරට එරෙහිව නෛතික ක්රියාමාර්ග ගන්නා බව උතුරුමැද පළාත් සභාව පවසයි.
BMW x-5 රථයක්, මිට්ෂුබිෂි ප්රාඩෝ රථ 03ක් ඇතුළු වාහන 12ක් අලෙවි කර උතුරුමැද පළාත් සභාව විසින් උපයාගෙන ඇත්තේ ලක්ෂ 280ක් පමණක් බව කියමින් දයාසිරි ජයසේකර මාධ්ය හමුවක් කැඳවා ඊයේ ප්රශ්න කරනු ලැබුවේ මේ තිබුණේ වෙන්දේසියක් ද, නොඑසේ නම් දන්සැලක් ද යන්න පැහැදිලි නැති බවය.
දයාසිරි ජයසේකර පිළිතුරු දෙමින් අද උතුරුමැද පළාත් ආණ්ඩුකාර වසන්ත ජිනදාස මාධ්ය හමුවක් කැඳවා මේ රථ වෙන්දේසිය ගැන පළාත් සභාව පාර්ශවයෙන් අදාල පැහැදිලිකිරීම සිදුකළේය.
“උතුරුමැද පළාත් සභාවේ වාහන කීපයක් සම්බන්ධයෙන් මාර්තු 30 වැනිදා පුවත්පත් තුනක දැන්වීම් ප්රසිද්ධ කළා විවෘත ටෙන්ඩර් කැඳවීමකට. ඒ ටෙන්ටර් දැන්වීම යටතේ මේ වනවිට
විශේෂයෙන්ම සාකච්ඡාවට භාජනයවන BMW x-5 වර්ගයේ මෝටර් රථය තිබුණා.
මේ මෝටර් රථය 2014 වසරේ නිශ්පාදනය කරන ලද රථයක්. පසුගිය අවුරුදු හතර පුරාවටම මේ පලාත් සභාවෙ තිබුණ බවට වාර්තා නෑ. මේ පළාත් සභාවේ කිසි කෙනෙක් ප්රයෝජනයට ගත් බවක් හෝ එය භාවිතා කළ බවට වාර්තා නෑ.
කෙසේ වුවත් පසුගිය පරිපාලනය අවසන් වූ වහාම මේ වාහනය මේ පරිශ්රයේ ගාල් කරලා තියනවා. කවුරු විසින් එම වාහනය එතෙක් පාවිච්චි කළාද කියන එක එම නිලධාරීන් දන්නේ නෑ. ඒ වනවිට ඔය කිසි කෙනෙක් ඒ ගැන විමසීමක් කරන වගක්වත් වාර්තා වෙලා නෑ.
එය ඉතාම අබන් තත්ත්වයේ තිබුණේ. රථයේ තක්සේරු වටිනාකම තිබුණෙ ලක්ෂ 198යි. අපේ ටෙන්ඩරය ප්රධානය කරන්න තීරණය කරලා තියෙන්නෙ ලක්ෂ 218කට. සියලු වාහනවල තක්සේරු වටිනාකම ලක්ෂ 912යි.
නමුත් අපි ලක්ෂ 1136ක් අපි ආදායම ලබනවා ඒ ටෙන්ඩර් පටිපාටිය අනුව නිශ්කාශනය කරලා. දැන් මේ කරන්නේ පදනම් විරහිත අභූත චෝදනාවක් නිසා ඒ සම්බන්ධව නීතිමය පියවර ගැනීමට නැවතත් දැන් අපි කටයුතු කරමින් ඉන්නවා.
ඔවුන් එහෙම කියනවා නම් ඔවුන්ට පුලුවන් ඒ සම්බන්ධයෙන් නීතිමය පියවර ගන්න.”
ආණ්ඩුකාරවරයා එසේ පවසද්දී මෙම වාහනය මිලදී ගත් අශෝක පස්යාල නැමැති ව්යාපාරිකයෙක් පැවසුවේ දයාසිරි ජයසේකර කරගෙන යන අසත්ය ප්රකාශය නිසා තමන් ව්යාපාරිකයෙක් ලෙස බරපතල අගතියකට පත් වී ඇති බවය. ඔහු පවසන්නේ 2014 වර්ෂයේ නිශ්පාදිත මෙම රථයේ වෙළෙඳපල වටිනාකම කෝටි තුනක් පමණ බවත් තමන් රථයේ තත්ත්ව පරික්ෂාවෙන් අනතුරුව ඉදිරිපත් කළ ටෙන්ඩර් මාර්ගයෙන් රථය මිලදී ගන්නේ දෙකෝටි දහ අට ලකෂ හැත්තෑ අට දහසකට බවය. දයාසිරි ජයසේකරගේ ප්රකාශය හේතුවෙන් තමන් මුදල් යට කළ වාහනය ලබා ගැනීමට නොහැකි තත්ත්වයක් දැන් උද්ගත වී ඇතැයි ව්යාපාරිකයා කීවේ.ය
