ජනාධිපතිවරයා නව ක්රිකට් අතුරුපාලක මණ්ඩලය හෝ එහි සාමාජිකයන් සම්බන්ධව දැනුම්වත් නැති බවත්, අද සවස පැවැත්වෙන කැබිනට් රැස්විමේ දී මේ සම්බන්ධව ජනාධිපතිවරයා දැනුම්වත් නොකර ක්රියා කිරිම සම්බන්ධයෙන් කැබිනට් ඇමතිවරුන් කීප දෙනෙක් ක්රීඩා ඇමතිවරයාව දැඩිව ප්රශ්න කිරීමට සූදානම් වී ඇති බවත් වාර්තාවන පරිසරයක උණුසුම් ජනතා පිළිගැනීමක් මැද පසුව ක්රිකට් අතුරු කමිටුවේ නව සභාපති අර්ජුන රණතුංග අද (04) දහවල් ශ්රී ලංකා ක්රිකට් ආයතනය වෙත පැමිණියේය.
එව අවස්ථාව අද දෙරණ වාර්තා කර තිබුණේ මෙසේය…
ඊයේ අර්ජුණ රණතුංග විසින් යූ ටියුබ් නාලිකාවක් වෙත විශේෂ ප්රකාශක් කරමින් කියා සිටියේ විසුරුවාහල ක්රිකට් පාලක මණ්ඩලය ජනාධිපතිවරයා නතු කරගැනීමට ජනාධිපති ජ්යෙෂ්ඨ උපදේශක සහ ජානාධිපතිවරයාගේ විශ්වාසවන්ත සමීපතමයෙක් වූ සාගල රත්නායක යොදාගත් බවය.
එවැනි ප්රකාශයක් කළ දිනට පසු දින ක්රිකට් අතුරු කමිටුවේ සභාපතිත්වය සහිතව ක්රිකට් පරිපාලනයේ වගකීම භාරගත් අර්ජුන රණතුංගට සහ මෙම අතුරු කමිටුවට එරෙහිව විරෝධයක් ජනාධිපතිවරයාගේ පාර්ශවයෙන් අද සවස කැබිනට් මණ්ඩලය තුළ ප්රබල විරෝධයක් මතුවනු ඇතැයි අපේක්ෂා කෙරේ.
කෙසේ වෙතත් අද ක්රිකට් ආයතනය වෙත පැමිණි අර්ජුණ මාධ්ය හමුවේ විශේෂ ප්රකාශයක් කරමින් කීවේ තමන්ට ලබා දුන් වගකීම හරියටම සිදුකර ශ්රී ලංකා ක්රිකට් සන්නාමය යළි ගොඩනගන බවය.
ශ්රි ලංකා ක්රිකට් ආයතනයේ ක්රිකට් අතුරු කමිටුවේ නව සභාපති අර්ජුන රණතුංග මෙසේ ද පැවසුවේය.
“ක්රීඩා ඇමතිතුමා තමයි ඒක පත් කරලා තියෙන්නේ. මම හිතන්නේ සෑහෙන කාලයක් එතුමා මේ දිහා බලාගෙන ඉඳලා ඊට පස්සේ මේ ක්රිකට් අද වැටිලා තියෙන තත්ත්වයත් එක්කයි මේ තීරණය ගන්න ඇත්තේ. “
“එතුමා පත්කරපු කමිටුවේ මටත් වගකීමක් භාරදීලා තියෙනවා. මගේ අවධානය වැඩියෙන් යොමු වෙන්නේ ක්රිකට් පැත්තට. පරිපාලනය පැත්තට තව කණ්ඩායමක් තියෙනවා. ඒ හරහා අපට අවශ්ය වෙන්නේ මේ ක්රිකට් ගොඩගන්න. ඒ සඳහා අපේ පුළුවන් සහයෝගය ලබාදෙනවා. මේ පාර අපි එන්නේ මේ ක්රිකට් ටික හදලා බ්රෑන්ඩ් එකක් හදන්න. “
“ලංකාවේ මිනිස්සුන්නට ක්රිකට් එපා වුණා. ලංකාවේ තිබෙන හොරම දූෂිතම ආයතනය මේක බවට පත්වුණා. මේ සියල්ලම වෙනස් වෙලා ක්රිකට් ප්රේක්ෂකයන් ආදරය කරන ක්රිකට් කණ්ඩායමක් සහ ආයතනයක් බවට පත් කිරීමට සහ රටට ආදරය කරන ක්රිඩකයන් ටිකක් හදා ගැනීම තමා මගේ බලාපොරොත්තුව. “
“මම නීතිය ගැන කතා කරන්නනේ නෑ. මම එකට දක්ෂ කෙනෙක් නෙමෙයි. නමුත් මහජනයාට අවශ්ය කරන දේ අද අපට තේරිලා තියෙනවා. අපිට වැඩක් භාරදිලා තියෙනවා අපි එ්ක භාර ගන්නවා. හරියට කරනවා. අපිට යන්න කිව්වොත් අපි යනවා. මේක අපි බලෙන් ඉල්ලගෙන ආපු එකක් නෙමේ.”
