මීට වසර 2500 කට පෙර වළ දමා තිබූ හොඳින් සංරක්ෂිත හා මුද්රා තැබූ ලී මිනී පෙට්ටි 59 ක් ඊජිප්තුවේ පුරාවිද්යාඥයින් කණ්ඩායමක් විසින් සොයාගෙන තිබේ.
විසිතුරු ලෙස සරසන ලද දීප්තිමත් වර්ණවලින් යුත් හයිරොග්ලිෆික් සෙල්ලිපි සහිත සොහොන් රෙදිවලින් ඔතා ඇති සරෝෆාගි මිනීපෙට්ටියක් විවෘත කොට ඔවුන් මාධ්යට ද පෙන්වා ඇත.
පුරාණ ඊජිප්තු අගනුවර වන මෙම්ෆිස් හි යුනෙස්කෝ ලෝක උරුම අඩවියක් වන කයිරෝවට දකුණින් පිහිටා ඇති සක්කාරාහි සුසාන භූමියේ දී මේවා සොයාගැනිණ.
“මෙම සොයා ගැනීම ගැන අපි ඉතා සතුටු වෙනවා” යැයි පුරාවස්තු පිළිබඳ කවුන්සිලයේ මහලේකම් මොස්ටාෆා වසිරි පැවසීය.
පළමුව මිනී පෙට්ටි 13ක් සොයාගත් අතර, මීටර 12 ක් (අඩි 40) ක් පමණ ගැඹුරට පතුළින් තවත් බොහෝ දේ සොයාගෙන ඇත.
වසර 4,700 ක් පැරණි ජොසර් පිරමීඩය ආසන්නයේ මෙලෙස තවත් මිනී පෙට්ටි එහි වළලා තිබිය හැකි බව සංචාරක හා පුරාවස්තු අමාත්ය කලීඩ් අල්-අනානි පැවසුවේය.
මීට වසර 2500 කට පමණ පෙර මුද්රා තබා ඇති මිනී පෙට්ටි ක්රි.පූ. හයවන හෝ හත්වන සියවසේ පමණ සිට පුරාණ ඊජිප්තුවේ අවසාන කාල පරිච්ඡේදය දක්වා දිව යයි.
“මම මිනී පෙට්ටියක් විවෘත කිරීම දුටුවෙමි… මමීය හරියට පෙනුනේ ඊයේ සකස් කර ඇතිවා වගෙයි” අල්-අනානි පැවසීය.
සක්කාරා හි කැණීම්වලින් මෑත වසරවලදී කෞතුක වස්තු මෙන්ම සර්පයන්, කුරුල්ලන්, ස්කාර්බ් කුරුමිණියන් සහ වෙනත් සතුන්ගේ මමි ද සොයාගෙන ඇත.
මිනී පෙට්ටි සොයා ගැනීම ඊජිප්තුවේ COVID-19 පැතිර යාමෙන් පසු සිදු වූ පළමු දැවැන්තම සොයාගැනීම විය.
වසංගතය හේතුවෙන් මාර්තු අග සිට මාස තුනක් පමණ කෞතුකාගාර හා පුරාවිද්යාත්මක ස්ථාන වසා දැමීමට හේතු විය.
