ඇමරිකා එක්සත් ජනපදයේ රාජ්ය රහස් පිළිබඳ ඔත්තූ බැලූ බවට චෝදනා එල්ල වූ චීන ජාතිකයෙකුට පසුගියදා වසර විස්සක සිර දඩුවමක් එක්සත් ජනපද ෆෙඩරල් අධිකරණය විසින් නියමු කරනු ලැබීය.
එක්සත් ජනපදයේ ගුවන් සේවා සමාගම් කිහිපයකට අදාල වැදගත් තාක්ෂණිකමය සහ වෙළෙඳ රහස් මෙම චීන ජාතිකයා විසින් සොරාගෙන ඇති බවට අනාවරණය විය. ඒ අනුව ඔහු සම්බන්ධයෙන් එෆ් බී අයි ආයතනය විසින් සිදුකළ විමර්ශනයකින් පසුව සැකකරුව අත් අඩංගුවට ගැනීම සිදුවිය.
මෙම සැකකරු 42 හැවරදි වියේ පසුවන සූ යැන්ජුන් නැමැත්තකු වන අතර ඔහුව ඇමරිකා එක්සත් ජනපදයට නඩු විභගය සඳහා පිටුවහල් කරගෙන රැගෙන විත් ඇති බවටද අනාවරණය වේ. කෙසේ වෙතත් මෙම චෝදනා සම්බන්ධයෙන් චීන බලධාරීන් ප්රකාශ කර සිටියේ සූට එල්ල වී ඇති චෝදනා පදනම් විරහිත බවයි.
මෙහිදී එක්සත් ජනපද නීතිපති දෙපාර්තමේන්තුව මෙම චීන ජාතිකයාට වසර විසි පහක සිරදඬුවමක් ලබාදෙන ලෙසට ඉල්ලා සිටි අතර එහිදී සූගෙන් නීතීඥයින් පෙන්වා දී ඇත්තේ මීට සමාන චෝදනා එල්ල වූ පුද්ගලයින්ට හට වසර සිර දඬුවමක් පමණක් ලබාදී ඇති බවයි.
අධිකරණ තීන්දුව සම්බන්ධයෙන් එක්සත් ජනපද නීතිපති දෙපාර්තමේන්තුව නිවේදනයක් නිකුත් කරමින් කියා සිටියේ මෙම තීන්දුව ඉතා සුවිශේෂී අධිකරණ තීන්දුවක් බවයි. ඒ අනුව එමගින් එක්සත් ජනපදයේ ජාතික ආරක්ෂාවට තර්ජනයක් එල්ලවන පාර්ශවයන්ට මෙම තීන්දුව මනා අවබෝධයක් ගෙන එනු ඇති බවයි.
සිර දඬුවම නියම වූ චීන ජාතිකයා චීන රජයේ ඔත්තුකරුවක බවත් ඔහු චීන රජය වෙනුවෙන් ඔත්තු බැලීමේ නිතරව ඇති බවටද වාර්තාවේ.
