දිස්ත්රික්ක 25ටම බලපෑම් ඇතිකළ ආපදා තත්ත්වයෙන් සිදුවු මරණ සංඛ්යාව 635ක් දක්වා ඉහළ ගොස් ඇති බව ආපදා කළමනාකරණ මධ්යස්ථානය පවසයි.
ඒ අනුව, අද (08) මධ්යාහ්න 12.00ට එම මධ්යස්ථානය නිකුත් කළ නවතම නිවේදනයට අනුව පුද්ගලයින් 192ක් තවමත් අතුරුදන්ව සිටියි.
පැවති අයහපත් කාලගුණ තත්ත්වය හේතුවෙන් පවුල් 512,123කට අයත් පුද්ගලයින් 1,766,103ක් අයහපත් පීඩාවට පත්ව සිටින බවද එම මධ්යස්ථානය නිකුත් කළ වාර්තාව මගින් දක්වා ඇත.
ආපදා කළමනාකරණ මධ්යස්ථානය සඳහන් කරන පරිදි වැඩිම මරණ සංඛ්යාව වන මරණ 234ක් මහනුවර දිස්ත්රික්කයෙන් වාර්තා වී තිබේ.
මේ අතර, බදුල්ල දිස්ත්රික්කයෙන් මරණ 90ක්,නුවරඑළිය දිස්ත්රික්කයේ මරණ 89ක්, කුරුණෑගල දිස්ත්රිකයෙන් මරණ 61ක්, කෑගල්ල දිස්ත්රික්කයෙන් මරණ 32ක්, පුත්තලමෙන් මරණ 37ක් සහ මාතලේ දිස්ත්රික්කයෙන් මරණ 28ක් වාර්තා වී ඇත.
එමෙන්ම පවුල් 22,218ක පුද්ගලයින් 69,861ක් තවමත් සුරක්ෂිත මධ්යස්ථානයන්හි රැඳී සිටින බවත් එම නිවේදනයේ දැක්වේ.
