සෞඛ්ය අමාත්යංශය තුළ කිසිදු වෘත්තීය සමිතියකට කාර්යාලන් පවත්වාගෙන යාමට හෝ වෘත්තිය සමිති රැස්වීම් හෝ විධායක සභාවන් පැවැත්වීම මෙතෙක් ඉඩ ලබා නොදුන් පසුබිමක් තුළ වත්මන් රජයට පක්ෂපාතිත්වයක් දක්වන වෘත්තිය සමිතියක් නියෝජනය කරන සමස්ත ලංකා කළමණාකාර නිලධාරීන්ගේ සංගමයේ විධායක සභාව පසුගිය 9 වනදා සෞඛ්ය අමාත්යංශය කාර්යාලයක් තුළ පවත්වා ඇතැයි වාර්තාවේ.
දිවයිනපුරා පිහිටි රෝහල් සහ සෞඛ්ය ආයතනවල නියෝජිතයින්ගේ සහභාගිත්වයෙන් මෙම විධායක සභාව සෞඛ්ය අමාත්යාංශය තුළ කැඳවිම සෞඛ්ය ක්ෂේත්රයේ අනෙකුත් වෘත්තීය සමිවල දැඩි විරෝධයක් පල වීමට හේතු වී ඇතැයිද වාර්තාවේ.
රජයට පක්ෂපාතිත්තවයක් දක්වන මෙවැනි වෘත්තීය සමිතිවලට අමාත්යංශය තුළ සිය රැස්වීම් පැවැත්වීමට අවසර ලබා දුන්නේ කවුද යන්න පිලිඳව සෞඛ්ය ලේකම්වරයාගෙන් ලිඛිතව ප්රශ්න කිරීමට සෞඛ්ය ක්ෂේත්රයේ වෘත්තීය සමිති ගණනාවක් සුුදානමින් සිටින බවද වාර්තාවේ.
මීට අමතරව සෞඛ්ය ක්ෂේත්රයේ අනෙකුත් වෘත්තිය සමිති තම වෘත්තීය ගැටලු විසඳා ගැනීමට සෞඛ්ය ඇමතිවරයාගෙන් හා සෞඛ්ය ලේකම්වරයාගෙන් කොතෙකුත් සාකච්ඡාව ඉල්ලා සිටියද ඊට අවස්ථාවන ලබා නොදෙන නමුත් රජයට හිතවත් සමිතිවලට පමණක් සැම විටම සාකච්ඡාවන් ලබා දෙන තත්තවයක් නිර්මාණය වී ඇති බවද පැවසේ.
ඒත් සමඟම කිසිදු වෘත්තිය සමිති නියෝජිතයෙකුට වෘත්තීය ගැටලු සම්බන්ධයෙන් සාකච්ඡා කිරිමට ඉඩක් නොදෙන්නැයි අමාත්යංශයේ නිලධාරින් පවසා ඇති බවත් ඒ සම්බන්ධයෙන් සොයා බැලීමට අමාත්යංශය තුළ වත්මන් රජයේ නියෝජිතයින් ගණනාවක්ම යොදවා ඇති බවත් වාර්තාවේ.
