පේරාදෙණිය විශ්වවිද්යාලයේ සමාජ සමානතා තරුණයෝ සහ ශිෂ්යයෝ සංවිධානය විසින් සූදානම් කර තිබූ විශේෂ දේශනය රජයේ ප්රතිපත්ති විවේචනය කරන බැවින් පැවැත්වීම තහනම් කළ වැඩ බලන උපකුලපතිවරයාගේ තීරණයට රජයේ කිසිම මැහැදත්වීමක් නැති බවත් එම ක්රියාවලිය කිසිසේත් අනුමත නොකරන බවත් කැබිනට් මාධ්ය ප්රකාශක නලින්ද ජයතිස්ස අද කැබිනට් මාධ්ය හමුවේ දී ප්රකාශ කළේය.
මෙම ප්රශ්නය අද උදේ විපක්ෂ නායක සජිත් ප්රේමදාස ද පාර්ලිමේන්තුව තුළ මතුකරමින් කියා සිටියේ මෙවැනි තත්ත්ව ඇති වීමට ඉඩ නොදෙන ලෙසය. අද කැබිනට් මාධ්ය හමුවේ දී ද මේ පිළිබඳව මාධ්යවේදියෙක් ප්රශ්නකළේය.
මාධ්යවේදියා – “ පේරාදෙණිය සමාජ සමනාත තරුණයො සහ ශිෂ්යයෝ සංවිධානය දේශනයක් සංවිධානය කරලා තිබුණා. ඒකට දේශපාලන විද්යා අංශයේ ශිෂ්යයො තමයි අනුග්රහ දක්වලා තිබුණේ. උපකුලපතිවරයා විසින් එය තහනම් කරලා තිබුනා. ආණ්ඩුවට චෝදනාවක් එල්ලවෙලා තියනවා අගමැතිනි හරිනි හරහා විශ්වවිද්යාල ප්රතිපාදන කොමිසම හරහා මේක සිද්ධ වෙලා තියනවා කියලා.
මේක ආණ්ඩුව ඉන්නව ද. උපකුලපතිවරයා පවසා තියනවා ආණ්ඩුවේ ප්රතිපත්ති විවේචනය කරන නිසා මේ දේශනය පවත්වන්න දෙන්න බෑ කියලා. ආණ්ඩුව ඉලක්ක කරන් කියලා තියෙන්නේ. ආණ්ඩුව මේක පස්සේ ඉන්නව ද. නැතිනම් උපකුලපති කාගෙ උවමනාවක් ද මේ ඉෂ්ඨ කළේ.
කැබිනට් මාධ්ය ප්රකාශක – විශ්වවිද්යාල කියන්නේ නිදහස් අදහස් ප්රකාශ කරන්න තියන තැන. ඒක විශ්විද්යාලයක් වෙන්නේ නෑ එහෙම නැතිනම්. කවර ආණ්ඩුවක් තිබ්බත් ආණ්ඩුවේ ප්රතිපත්ති විවේචනය කරලා සංවාද දේශපාලන වැඩසටහන් හදන්නට ඕන විශ්වවිද්යාලයකට අයිතියක් තියනවා. ඒක උල්ලංඝණය කරන්න කාටවත් බෑ.
එහෙම දෙයක් වුනා නම් ඒක බරපතල වරදක්. හැම විශ්වවිද්යාලයකම එහෙම නිදහසක් තිබිය යුතුයි. ඒකට කවුරුත් ආණ්ඩුව ගාවගන්න ඕන නෑ. ආණ්ඩුවේ ප්රතිපත්තිය තියෙන්නේ ජනතාවගේ නිදහස් අදහස් ප්රකාශ කිරීමේ අයිතිය හැකි උපරිමයෙන් ආරක්ෂා කරන එක. ඒකට බාධා පමුනුවන දේට තමයි අපි නීති පනවමින් කටයුතු කරන්නේ. ජනතාවගේ ස්වාධීන අදහස් ප්රකාශ කිරීමේ අයිතිය අපි ආරක්ෂා කරනවා. විශේෂයෙන්ම විශ්වවිද්යාලවල අපි ඒ තත්ත්වය බලාපොරොත්තු වෙන්නේ නෑ. එහෙම උනොත් නිදහස් අදහස් තියන පුද්ගලයෙක් සරසවියෙන් එළියට එන්නේ නෑ…. ඒ ක්රියාවලිය අපි අනුමත කරන්නේ නෑ.
