විශ්වාස භංග යෝජනාව සම්බන්ධව සමගි ජනබලවේගය අභ්යන්තරයේ මතවාදී අර්බුදයක් නිර්මාණය වී තිබේ.
පාර්ලිමේන්තුවේ බහුතරය විශ්වාසභංග යොජනාවට සහාය දෙන බව නිශ්ඡිත වශයෙන්ම හඳුනා නොගෙන එවැන්නක් ගෙනඒමෙන් ආණ්ඩුව අභ්යන්තරයේ ඇති අවිනිශ්චිතබව නැතිවී යළි ශක්තිමත් විය හැකි බවට සමගි ජනබලවේගයේ කණ්ඩායමක මතය වී ඇත.
එහෙත් බහුතරය කියා තිබෙන්නේ ආණ්ඩුව නියෝජනය කරමින් මධ්යස්ථව සිටින අය ජනතාවගේ පැත්තේ සිටිනවා ද, එහෙමත් නැතිනම් ආණ්ඩුව ආරක්ෂා කිරීම වෙනුවෙන් පෙනී සිටිනවා ද යන්න විශ්වාසභංගයෙන් ස්ථිර වශයෙන්ම දැනගත හැකි බවය.
කෙසේ වෙතත් මේ වනවිට විශ්වාසභංගය අත්සන් ගැනීම සිදුකරමින් සිටින බවත් එය සාර්ථක කරගැනීමට හැකි සෑම පියවරක්ම ගන්නා බවත් සමගි ජනබලවේගයේ ජ්යෙෂ්ඨ ප්රකාශකයෙක් ලංකාසරට පැවසීය.
උද්ගතව ඇති අභ්යන්තර ගැටලුව විසඳා ගැනීම ඇතුළු තවත් ගැටලු ගණනාවක් විසඳා ගැනීම සඳහා සමගි ජනබලවේගයේ පාර්ලිමේන්තු මන්ත්රී කණ්ඩායමේ විශේෂ රැස්වීමක් හෙට කැඳවා ඇත.
විශ්වාසභංගයට ආණ්ඩුවේ සිට ස්වාධීනව වූ කණ්ඩායම ටීඑන්ඒ, ජාතික ජන බලවේගය ඇතුළු විපක්ෂයේ පක්ෂ මෙන්ම ආණ්ඩුවේ මැති ඇමතිවරු කීපදෙනෙක් විශ්වාසභංගයට පක්ෂව චන්දය ලබා දෙන බවට තම පක්ෂය සමග එකඟතාවයකට පැමිණ ඇතැයි ඉහත ප්රකාශකයා වැඩිදුරටත් කීවේය.
ඔහු පවසන්නේ පවතින තත්වය තුළ විශ්වාසභංගය පාරාජය වෙතැයි අනියත බියක් ඇතිකරගත යුතු නැති බවය.
