ලලිත් චාමින්ද –
තංගල්ල නගර සභාවේ සභාපතිවරයා විසින් විධිමත් අයුරින් අයවැය ලේඛණය සම්මතකර නොගැනීම නිසා නගර සභාවේ ප්රාග්ධන වියදම් අත්හිටුවමින් දකුණු පළාත් ආණ්ඩුකාර ආචාර්ය විලිගමගේ විසින් ගැසට් නිවේදනයන් නිකුත්කොට ඇති බැව් දකුණු පළාත් ආණ්ඩුකාර කාර්යාලය පවසයි.
නගරසභා ආඥාපනතේ 247 වැනි වගන්තිය ප්රකාරව ආණ්ඩුකාරවරයාට ඇති බලතල අනුව මෙම ගැසට් නිවේදනය නිකුත් කොට ඇත. ඒ අනුව නගර සභාවට ප්රාග්ධන වියදම් සඳහා මුදල් වැය කිරිමට හැකියාවන් නොමැති අතර පුනරාවර්ථන කටයුතු සඳහා මුදල් වියදම් කිරීමට අවස්ථාව හිමිවන බවද ආණ්ඩුකාර කාර්යාලය පවසයි.
නගර සභාවේ කාර්යමණ්ඩලය සඳහා වැටුප් හා වේතන ගෙවිම, කැළිකසල එකතුකිරිමේ කටයුතු විදුලි හා ජල බිල්පත් ආදි ප්රාග්ධන නොවන වියදම් සඳහා මුදල් වියදම් කිරීමට අවස්ථාව හිමිවේ.
තවද මුද්දර හා දඩ ගාස්තු වශයෙන් නගරසභාවට ලැබිය යුතු මුදල් ද අත්හිටුවිමට ආණ්ඩුකාරවරයා තිරණය කොට ඇති බව දකුණු පළාත් ආණ්ඩුකාර කාර්යාලය පෙන්වා දෙයි.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
