කෑගල්ල-අවිස්සාවේල්ල ප්රධාන මාර්ගයේ දෙහිඕවිට ප්රදේශයේදී අද (02) අලුයම ඇඟලුම් කම්හල් සේවකයින් ප්රවාහනය කරමින් තිබූ බස් රථයක් මාර්ගයෙන් ඉවතට පැන ප්රපාතයකට පෙරළී ගොස් 41 දෙනෙක් තුවාල ලබා රෝහල්ගත කර තිබේ.
පෙරවරු 6:30 ට පමණ මෙම අනතුර සිදුවූ ඇත්තේ බස් රථය දැරණියගල සිට අවිස්සාවේල්ල කාර්මික ජනපදය දක්වා ගමන් කරමින් තිබියදී ය.
එම අවස්ථාවේ දී බස් රථයේ මගීන් 41 දෙනෙක් ගමන් කරමින් සිටි බව මූලික විමර්ශන සිදුකරන පොලිසිය පවසයි. සියලු දෙනාම අවිස්සාවේල්ල දිස්ත්රික් මහ රෝහලට ප්රතිකාර සඳහා ඇතුළත් කර තිබේ.
