අයවැය වෙනස් නොකළොත් අයි.එම්.එෆ් සහය පාකිස්තානයට නෑ !

2023 – 24 සඳහා වන අයවැය රාමුව, පාර්ලිමේන්තුවේ සම්මත වීමට පෙර සංශෝධනය කරන ලෙස ජාත්‍යන්තර මූල්‍ය අරමුදල පාකිස්ථානයෙන් ඉල්ලා තිබෙන අතර අයවැයේ වෙනස්කම් නොමැතිව කාර්ය මණ්ඩල මට්ටමේ ගිවිසුමක් ඇති කර ගැනීමට නොහැකි බව දැනුම් දී තිබේ.
පසුගිය පැය විසිහතරක කාලය තුළදී කාර්ය මණ්ඩල මට්ටමේ ගිවිසුමක් කරා ගමන් කිරීමේ උත්සාහයක් ලෙසින් පාකිස්ථාන අගමැති ෂෙහ්බාස් ෂරීෆ් හා අයිඑම්එෆ් හි පැරිස් කළමණාකාර අධ්‍යක්ෂ සාකච්ඡා වට දෙකක් පැවැත්වූහ.
මෙම සාකච්ඡා අසාර්ථක වුවහොත් පාකිස්ථානයට ‘එෆ්බීආර්’ බදු ඉහළ දැමීම ඇතුළුව එකතු කිරීම් හා වියදම් කපා හැරීම් වැනි සංශෝධන 2023 – 24 අයවැයෙහි සිදු කිරීමට සිදුවනු ඇතැයි ‘ඉන්ටර්නැෂනල් ද නිව්ස්’ වෙබ් අඩවිය වාර්තා කරයි.
“පාකිස්තාන පාර්ශවය ලබන මූල්‍ය වර්ෂය සඳහා සංශෝධිත අයවැය ඇස්තමේන්තු අයිඑම්එෆ් සමඟ බෙදා හදා ගත් නමුත් මෙතෙක් පුළුල් එකඟතාවයක් ඇති කර ගැනීමට නොහැකි වී තිබේ..”
ජාත්‍යන්තර මූල්‍ය අරමුදල හා පාකිස්ථානය අතර ඉස්ලාමාබාද් හි ප්‍රායෝගීකව පවත්වනු ලබන සාකච්ඡාවල රහස්‍ය නිළධාරියෙකු පවසා තිබේ.
අයවැය රාමුව පිළිබඳ පුළුල් ගිවිසුමක් විකාශනය කිරීමේ අපේක්ෂාවෙන් පාකිස්ථාන බලධාරීන් මීළඟ මූල්‍ය වර්ෂය සඳහා සංශෝධිත අයවැය ඇස්තමේන්තු, අයිඑම්එෆ් සමඟ බෙදා ගත්ත ද, දෙපාර්ශවය අතර ඇති මතභේද සමනය කරගෙන එකඟතාවයක් ඇති කර ගනීද යන්න තවමත් ගැටලුවක් බව වෙබ් අඩවිය වැඩිදුරටත් සඳහන් කර ඇත.