-
දීමට එරෙහිව රජයේ වෛද්ය නිලධාරී සංගමය, විශේෂඥ වෛද්යවරුන්ගේ සංගමය, ප්රසව හා නාරිවේද විශේෂඥවරුන්ගේ සංගමය දැඩි විරෝධය පළ කරයි! පත්වීම දීලා තියෙන්නේ දොස්තරගේ ප්රයිවට් ප්රැක්ටිස් එක හදාගන්න ලු…
ශ්රී ජයවර්ධනපුර මහ රෝහලේ සභාපති ධූරයට පත් කළ ප්රබල මාලිමා හිතවාදියෙක් වු ප්රසව හා නාරිවේද විශේෂඥ වෛද්ය ජයන්ග තිලකරත්න කාසල් වීදිය කාන්තා රෝහලේ නේවාසික ප්රසව හා නාරිවේද විශේෂඥ වෛද්යවරයෙකු ලෙස පත්කිරීම සඳහා සෞඛ්ය ලේකම්වරයා ගත් තීරණයට සියලුම අමාත්යාංශ නිලධාරීන් විරුද්ධ වී ඇති නමුත් ජනාධිපතිවරයාගේ සහ සෞඛ්ය අමාත්ය වරයාගේ නිර්දේශ මත මෙම පත්වීම සිදු කළ යුතුම බව දන්වා සෞඛ්ය ලේකම්වරයා විසින් ඒක පාර්ශවිකව එම පත්වීම් ලිපිය නිකුත් කර ඇතැයි සෞඛ්ය අමාත්යාංශ ආරංචි මාර්ග හෙළි කරයි.
ඒ තත්ත්වය තුළ අදාල පත්වීමට විරෝධය පළ කරමින් විශේෂඥ වෛද්යවරුන්ගේ සංගමය, ප්රසව හා නාරිවේද විශේෂඥ වෛද්යවරුන්ගේ සංගමය සහ රජයේ වෛද්ය නිලධාරීන්ගේ සංගමය සෞඛ්ය ඇමති වෛද්ය නලීන්ද ජයතිස්සට සිය විරෝධතාවය ලිඛිතව දැනුම් දීමට මේ වනවිට තීරණය කර ඇත.
රාජ්ය සේවා කොමිෂන් සභාව වෙතද සිය විරෝධතා ලිපි යොමුකිරීමට සංගම් ඒකමතිකව කටයුතු කරන බව ලංකාසර කළ විමසීමක දී එම සංගම් තහවුරු කළේය. එම වෛද්ය සංගම්වල ප්රකාශකයින් පැවසුවේ මේ වන විටත් එම ලිපි සකස් කරමින් සිටින බවය.
සෞඛ්ය ඇමතිවරයාගේ ඉල්ලීමකට අනුව මෙම ප්රසව හා නාරිවේද විශේෂඥ වෛද්යවරයාට පෞද්ගලික වෛද්ය සේවාවේ යෙදීමට ස්ථානයක් සකස් කර දෙන මෙන් සෞඛ්ය ලේකම්වරයාගෙන් කළ ඉල්ලිමකට අනුම මෙම ලිපිය සකස් කර ඇති බව කාසල් රෝහල ආරංචි මාර්ග පවසයි.
කෙසේ නමුත් ජනාධිපතිවරයාගේ නියමක් බව පවසා අමාත්යංශය නිලධාරින්ට දැඩි බලපෑමක් එල්ල කරමින් සෞඛ්ය ලේකම්වරයා මෙම ලිපිය සකස් කර ඇති බව අමාත්යාංශ ආරංචි මාර්ග හෙළි කළේය.
රාජ්ය සේවා කොමිෂන් සභාවේ ආවරණ අනුමැතිය මත නිකුත් කර ඇති මෙම වැඩ භාරගැනීමේ ලිපිය අද (30) දිනයේදී කාසල් වීදියේ කාන්තා රෝහලේ අධ්යක්ෂවරයා වෙත යොමුකර ඇති බවද ලංකාසර වෙත දැන ගන්නට ලැබිණි.
අභ්යන්තර ආරංචි මාර්ග පවසන්නේ මෙම වෛද්යවරයා මේ වන විට ජයවර්ධනපුර රෝහලේ සභාපති වරයා ලෙස පත්කර බැවින් ඔහුට එම තනතුරේ සිට පෞද්ගලික වෛද්ය සේවයේ යෙදීමට නොහැකි නිසා ඔහුට කාසල් වීදියේ කාන්තා රෝහලේ පත්වීමක් ලබා දී ඇති බව ය.
