වැලිගම w15 අපරාධයට අදාලව කොළඹ අපරාධ කොට්ඨාසයේ එවක ස්ථානාධිපතිවරයා ඇතුළු නිලධාරීන් 06 දෙනෙක් විමර්ශන අවසන් වනතුරු අත් අඩංගුවට නොගන්නා ලෙස දෙපාර්ශවයේ නීතිඥවරු අභියාචනාධිකරණයේ දී එකඟතාවයක් ඇති කරගෙන ඇති බව ඊයේ (16) පොලිස් මාධ්ය කොට්ඨාසය නිකුත් කළ නිවේදනයේ මුලුමනින්ම අසත්යයක් බව අද අභියාචනාධිකරණය විසින් දැන්වූයේය.
.
අදාල නිවේදනය පිළිබඳ අද අධිකරණයේ දැඩි අවධානයට ලක් වන්නේ එය විනිසුරුවරුන් වෙත යොමු කරවමින් අතිරේක සොලිසිටර් ජෙනරාල් දිලීප පීරිස් මතු කළ කරුණුත් සමගය.
ඔහු පැවසුවේ මෙම එකඟතාවය ඇති කරගෙන මාස තුනකට වැඩි කාලයක් ගතවී ඇති බවය.
එසේ තිබිය දී හදිසියේ ඊයේ නිවේදනයක් නිකුත් කිරීම අද අභියාචනාධිකරණ නියෝගයට බලපෑමක් එල්ල කිරීමේ අරමුණින් සිදුකළා ද යන්න පිළිබඳ සැකයක් මතුවන බව අතිරේක සොලිසිටර් ජෙනරාල්වරයා කියා සිටියේය.
පොලිසියේ නිවේදනය විවෘත අධිකරණය හමුවේ අධ්යයනය කළ වැඩ බලන සභාපති විනිසුරුවරයා කියා සිටියේ මෙවැනි නියෝගයක් තම අධිකරණය විසින් ලබා දී නොමැති බව ප්රකාශ කළේය.
ඒ අනුව කරුණු සලකා බැලූ විනිසුරු මඩුල්ල දේශබන්දු තෙන්නකෝන් පාර්ශවයෙන් ගොනු කළ මෝසම ඉවත දමමින් සිය තීන්දුව ප්රකාශයට පත් කළේය.
අභියාචනාධිකරණයෙ වැඩ බලන සභාපති විනිසුරු මොහොමඩ් ලෆාර් තාහීර් නියෝගය ප්රකාශයට පත් කරමින් පැවසුවේ පෙත්සම්කරු සාමාන්ය පුරවැසියෙක් නොව, රටේ පොලිස්පතිවරයා බවය.
එවැනි ජ්යෙෂ්ඨ පොලිස් නිලධාරියෙක් නීතියට අවනත නොවී දින 18ක් අධිකරණය මග හරිමින් සිටීම බරපතල වරදක් බව විනිසුරුවරයා අවධාරණය කළේය.
පෙත්සම් කරුගේ මෙම ක්රියාකලාපය නීතයේ ආධිපත්යයට කළ බලවත් නිගරුවක් බව සඳහන් කළ විනිසුරුවරයා නීතිය සුරක්ෂිත කිරීමේ වගකීම ඔහු වෙත පැවරී ඇති බැවින් එවැනි වගකිවයුතු පුද්ගලයෙකු අධිකරණ නියෝග මඟ හරිමින් කටයුතු කිරීම අනුමත කළ නොහැකි ක්රියාවක් බවය.
