ශ්රී ලාංකීය ජනතාවගේ ඡන්දයෙන් තේරී පත් වූ ජනාධිපතිවරයා සමඟ සමීපව කටයුතු කිරීමට ඇමෙරිකාව බලා පොරොත්තු වන බව ශ්රී ලංකාවේ ඇමෙරිකානු තානාපතිනි ජුලී චුන්ග් ප්රකාශ කළාය.
X සමාජ මාධ්ය වේදිකාවේ පණිවිඩයක් නිකුත් කරමින් ඇය අවධාරණය කළේ නිදහස් හා සාධාරණ මැතිවරණයක් සහතික කිරීම ශ්රී ලංකාවේ ප්රජාතන්ත්රවාදය සඳහා ගත හැකි වැදගත්ම ක්රියාමාර්ගය බවය.
“ශ්රී ලංකාවේ ප්රජාතන්ත්රවාදය සඳහා නිදහස් හා සාධාරණ මැතිවරණවලට වඩා වෙනත් ක්රියාවලියක් අත්යවශ්ය නොවන අතර, ශ්රී ලාංකික ඡන්දදායකයින් තම රට අනාගතයට ගෙනයාමට තෝරා ගන්නා අපේක්ෂකයා සමඟ සමීපව කටයුතු කිරීමට එක්සත් ජනපදය බලා පොරොත්තු වන බව” ඇය වැඩිදුරටත් පැවසුවාය.
මැතිවරණ දිස්ත්රික්ක 22ක් පුරා ලියාපදිංචි ඡන්දදායකයින් මිලියන 17කට අධික සංඛ්යාවක් සිටින ශ්රී ලංකාව සැප්තැම්බර් 21දා පැවැත්වීමට නියමිත ජනාධිපතිවරණය සඳහා සූදානම් වෙමින් ඇත.
එහිදී අපේක්ෂකයින් 38 දෙනෙකු ජනාධිපතිවරණය සඳහා තරඟ වදිති.
