ජනතාවට අවහිර වන පරිදි අරලියගහ මන්දිරය ඉදිරිපිට ඇති රථ වාහන හා සියලු දේපල ඉවත් කර ගන්නා ලෙසට කොටුව මහේස්ත්රාත් අධිකරණය ලබා දුන් නියෝග අනුව විරෝධතාකරුවන් එම ස්ථානයෙන් සවි කළ අට්ටාලය ඉවත් කර ගැනිමට අද පස්වරුවේ කටයුතු කළහ.
එසේම එම අධිකරණ නියෝගයට අනුව එම ස්ථානයේ උද්ඝෝෂකයින්ට අවහිර වන සේ නවත්වා තිබූ බස් රථ සහ පොලිස් ට්රක් රථ ද ඉවතට ගෙන තිබිණි.
මෙම අධිකරණ නියෝගයෙන් පැහැදිලිවම දක්වා තිබුණේ සාමකාමී විරෝධතා කරුවන්ට කිසිදු බාධාවක් සිදු නොකළ යුතු බවය. අධිකරණ නියෝගය පිළිගනිමින් විරෝධතාකරුවන් අට්ටාලය සහ පුවරු ඉවත් කරගෙනෙ අඛණ්ඩ විරෝධතාවයේ රැඳී සිටිති.
අධිකරණය නියෝගය කොල්ලුපිටිය පොලිසිය විසින් විරෝධතාකරුවන් ලබාදී එම ස්ථානයේ ඇලවිමට ද අද පස්වරුවේ කටයුතු කර කළේය,
මේ අතර, අරලියගහ මන්දිරය ඉදිරිපිට උද්ඝෝෂණයේ නිරත වන අරගලකරුවන්ට බාධාකාරි වන අයුරින් වාහන නැවැත්වීම මාර්ග බාධක යෙදීම මෙන්ම ශබ්ද නිකුත් කිරීම වැළැක්වීමේ නියෝගයක් ඉල්ලා ශ්රේෂ්ඨාධිකරණයට මූලික අයිතිවාසිකම් පෙත්සමක් ද අද ගොනුකර තිබුණි.
පහත දැක්වෙන්නේ මයිනාගෝගම පරිශ්රයට එල්ල කළ අධිකරණ නියෝගයයි.
