අධ්යාපන අමාත්යාංශයේ සිව්වන මහලේ දී ගුරුමාරු මණ්ඩල වෘත්තීය සමිති නියෝජිතයන් දෙදෙනෙකු අත්අඩංගුවට ගැනීමේ සිද්ධිය පිළිබඳව අමාත්යාංශ මට්ටමින් කඩිනමින් පරීක්ෂණයක් සිදුකිරීමට තීරණය කර තිබේ.
මේ සම්බන්ධව ගුරු වෘත්තීය සමිති සිය දැඩි විරෝධය පළ කර තිබුණු අතර එම සමිති මගින් කළ ඉල්ලීම මත එහි වාර්තාවක් අභ්යන්තර ආරක්ෂක ලේකම් වෙත යවා ඒ අනුව ඉදිරි පියවර ගැනීමට කටයුතු කරන බව අධ්යාපන අමාත්යාංශය පවසයි.
මේ තත්ත්වය ඇතිවන්නේ ඊයේ (23) අධ්යාපන අමාත්යාංශට බෞද්ධ හා පාලි විශ්වවිද්යාල ශිෂ්යයන් පැමිණීමත් සමග එහි ඇති වූ කලබලකාරී වාතාවරණය තුළය.
සිද්ධිය සම්බන්ධව අද පාර්ලිමේන්තුවේ දී සමගි ජන බලවේගයේ පාර්ලිමේන්තු මන්ත්රීණී රෝහිණී කවිරත්න කළ ප්රශ්න කිරිමට අනුව අධ්යාපන ඇමතිවරයා ප්රකාශ කළේ ඇමතිවරයෙක් ලෙස තමන් මැදිහත් වී ඊයේ රාත්රියේ 11ට පමණ එම නියෝජිතයින් දෙදෙනා නිදහස් කරගත් බවය.
එසේ නොවන්නට තත්ත්වය වඩාත් සංකීර්ණ වී මෙම ගුරුවරුන් දෙදෙනාට ඇප නොලැබෙන මට්මට තත්ත්වය තල්ලු වී යෑමට ඉඩ තිබුණු බව ඇමතිවරයා කීවේය.
මන්ත්රීවරිය චෝදනා කළේ මෙම අත්අඩංගුවට ගැනීම් කළ පොලිස් නිලධාරීන් බීමත්ව සිටි බවය. ඒ සම්බන්ධව පොලිසිය වශයෙන් විශේෂ පරීක්ෂණයක් කරන ලෙස ඇය පොලිසිය භාර ඇමති ටිරාන් අලස්ගෙන් ඉල්ලා සිටියාය.
මේ වනවිට අධ්යාපන අමාත්යවරයා සහ අධ්යාපන ලේකම්වරයා අධ්යාපන අමාත්යාංශයේ දී වෘත්තීය සමිති නායකයන් මුණ ගැසී මේ සම්බන්ධයෙන් සාකච්ඡාවක් පවත්වා තිබේ.
ඒ අනුව මාර්තු මස පළමු වනදා වනවිට අමාත්යාංශ මට්ටමින් පරීක්ෂණයක් පැවැත්වීමට කටයුතු කරනු ඇත.
ඉන්පසුව ඉහත සඳහන් පියවර ගැනීමට කටයුතු කරන බව අමාත්යාංශ නිකුත් කළ නිවේදනයක සඳහන් වේ.
