අත් අඩංගුවට ගන්නා සංවිධානාත්මක අපරාධකරුවන්ගේ දේපල සම්බන්ධව නීත්යානුකූලව ක්රියා කිරීමට කටයුතු කරන බව පොලිස් මාධ්ය ප්රකාශක සහකාර පොලිස් අධිකාරී එෆ්.යූ. වුට්ලර් පැවසුවේය.
වර්ෂ 2021 සිට 2024 දක්වා සංවිධානාත්මක අපරාධකරුවන්ගේ සහ අපරාධකාරියන්ගේ වත්කම් කෝටි 3902ක් මේ වනවිට රජය සතු කරගැනීම සඳහා අවශ්ය පියවර ශ්රී ලංකා පොලිසිය විසින් අරගෙන ඇතැයි මෙහිදී පොලිස් මාධ්ය ප්රකාශකවරයා අනාවරණය කළේය.
එමෙන්ම 2025 වසරේ දී පමණක් ක්රියා විරහිත කළ වත්කම් ප්රමාණය රුපියල් කෝටි 73කට වැඩි බවද ඔහු කීවේය.
“මේ සමස්ථ වටිනාකම් ගැන අප තක්සේරුවක් කළහොත් ප්රධාන පෙළේ මත්ද්රව්ය ජාවාරම් කරුවන් අතරින් රත්තරන් පවුම් 354ක් මේ වනවිට පොලිස් භාරයට අරගෙන තියනවා. වාහන 72ක් නිවාස 35ක් අක්කර 37ක භූමි ප්රමාණයක් මෙන්ම මුදලින් රුපියල් කෝටි 67ක මුදලක් මේ වනවිට ශ්රී ලංකා පොලිසිය විසින් රාජ සන්තක කිරීමට පියවර මේ වනවිට රැගෙන තියනවා. “
එමෙන්ම පොලිස්පති අධීක්ෂණය යටතේ දිනපතා සති පතා වැටලීම් සිදුකරන බව කී පොලිස් මාධ්ය ප්රකාශකවරයා පෙන්වා දුන්නේ 2025 සිට ජනවාරි 01 සිට මේ දක්වා රටේ ජනතාවගෙන් ලක්ෂ 57ක් ශරීර පරීක්ෂා කර ප්රශ්න කරලා ඇති බවය. ප්රශ්නකිරීම්වලට සමගාමීව විවිධ අපරාධ සඳහා සම්බන්ධ 4082ක පිරිසක් අත් අඩංගුවට ගැනීමට හැකි වූ බව ද ඔහු පැවසුවේය.
