බඳින තුවක්කුවක් පත්තු වීමෙන් තුවාල ලබා අසාධ්ය තත්ත්වයේ සිට මහත් පරිශ්රමයකින් ප්රතිකාර කිරීමෙන් අනතුරුව යම් පමණකට සුවය ලබා සිටි ලංකාවේ වන දහන තුළ සිටින අලංකාරම දළ ඇතෙක් වූ අග්බෝ හස්ථියා යළිත් වරක් වෙඩි ප්රහාරයකට ලක් වී ඇති බවත් ඔහුගේ තත්ත්වය බරපතල බවත් වනජීවී ආරංචි මාර්ග තහවුරු කරයි.
මේ හස්ථියා තිරප්පනේ වන්නම් මඩුව වැව් ඉස්මත්තේදී කිසියම් පුද්ගලයෙකු විසින් හස්තියාට වෙඩි තබා ඇතැයි වාර්තා වේ.
මෙවන් අනතුරකට හස්ථියා ලක් වනු ඇතැයි යන සැකය මත මාධ්ය මීට දින පහකට පෙර තරමක් සුව වූ අග්බෝ තිරප්පනය ප්රදේශයේ ගම්මාන වල භෝග වගාවන් විනාශ කිරීමට පටන් ගෙන ඇති ආකාරය හෙළිදරව් කළේය.
අවට ගම් වැසියන් පෙන්වා දී තිබුනේ ඇතාගේ මේ හැසිරීම ඇතාට මෙන්ම මිනිස්සුන්ට ද ජීවිත තර්ජනයක් ඇති කර තිබෙන බවය.
ඇතාගේ වම් පාදයට තුවාල වී ඇතැයි අනාවරණය වූයේ පසුගිය ජූනි මස දොළොස් වැනිදාය. එදා සිට වනජීවී දෙපාර්තමේන්තුව ඇතා දෛනිකව නිරීක්ෂණය කරමින් ප්රතිකාර කළේය. ඇවිද ගැනීමට අපහසු ඇතාට ආහාර පාන ලඟට ගෙනත් දුන්නේය. ඒ හුරුව මත යම් සිමාවක් තුළ ආහාර සොයා යෑමට පුරුදු වූ අග්බෝ රාත්රී කාලයේ දී කිලෝ මීටර දහයක පමණ සීමාවේ ඇති ගම්වලට වැදී භව භෝග විනාශ කරන්නට පටන් අරන් තිබුණේය.
මෙම තත්ත්වය මත අග්බෝ ඇතා වහාම අලි සංරක්ෂණ භූමියකට රැගෙන යන්නයි යන ඉල්ලීම ගම්මුන්ගෙන් වන ජීවියට ඉදිරිපත් වී තිබුණේය.
මේ කාරණාවේ බරපතල තත්ත්වය වන්නේ මේ තරම් කරුණු රැසක් සමග තත්ත්වය වාර්තා වී තිබිය දීත් මේ ඇතාගේ ජීවිතය අනතුරේ හෙළීමය.
ගොවියෙකුගේ වගාව යනු ඒ ගොවියාගේ සමස්ථ ආර්ථිකය ය. එය එක් රැයකින් විනාශ වීම දරාගත නොහැකි කම්පනයක් ඇති කරන බවත් මේ රටේ වනජීවීන්ට ආදරය කරන අය මෙන්ම රස්සාවට වනවජීවීන් රකින අය කල්පනා කළ යුතුව තිබිණි. තමන්ගේ පඩිය සතියක් ප්රමාද වුනොත්, තමන්ගේ ව්යාපාර ලාභය සති කීපයක් ප්රමාද වුනොත් වැළලෙන්නට යන එකෙක්වත් ගිනි අව්වේ වැස්සේ දින ගණන් පොළොව හා ගැටෙමින් ගොඩනගා ගන්නා ආර්ථික බලාපොරොත්තුව එක රැයකින් විනාශවන විට, මගට බැස එන විට අලි ගසා මැරෙනු ඇතැයි සිතෙන විට, ගෙවත්ත තුළම අලි ගසා මිය යන මිනිසුන් දරුවන් වාර්තා වනවිට කොළඹ ඉන්නා තමන් අලි ඇතුන්ට ආදරය කරන බැවින් ඔවුන්ට හිංසා නොකරන ලෙස ඉල්ලා උඩ පැන පලක් නැත.
අලි වෙනුවෙන් කොටුව දුම්රිය පල ඉදිරිපිට ඇවිත් උද්ඝෝෂණය කරනවිට ආනමඩුවේ, අඟුනකොලපැලැස්සේ ගල්ගමුවේ මිනිස්සු අලි ගසා මැරෙන බව තේරුම් නොගන්නා “අලි ප්රොටෙක්ට්” කිරීමේ “පැෂන් එකේ” අමානුෂීය අසංවේදීකම යළිත් වරක් අග්බෝට මාරක අනතුරක් කර තිබේ. අලි මිනිස් ගැටුම නිසා දෛනිකව සිදුවන අපරාධයට වනජීවි දෙපාර්තමේන්තුව පමණක් නොව, මේ රටේම පුරවැසියන් වගකිව යුතුව ඇතැයි විශ්වාස කරමු. වෙඩි වැදුන ඇත්තුන්ට බේත් කර මේ ප්රශ්නයෙන් ගොඩ එන්නට පුලුවන් කමක් වනජීවියට හො ් ආණ්ඩුවට නැත.
තුවාල ලැබ ප්රතිකාර ගනිමින් සිටි වකවානුවේ දී අග්බෝ වෙනුවෙන් දිනකට ලක්ෂ දෙකකට ආසන්න මුදලක් වියදම් කිරීමට වනජීවියට සිදුවූ බව වාර්තා වී තිබිණි. මිනිසුන් ගැන කල්පනා කළ නොහැකි නම්, සතුන් ගැන සංවේදී නැතිනම් දවසකට වැය කළ පිරිවැය ගණනය කර හෝ මේ සම්බන්ධව පියවරක් ගැනීමට තිබූ අවස්ථාව මේ රටේ බලධාරීන් මග හැර තිබීම අප කම්පාවට පත් කරන බව ලියා තැබිය යුතුය.
