හිටපු රාජ්ය බුද්ධි සේවයේ ප්රධානී සුරේෂ් සලෙයි සම්බන්ධයෙන් අපරාධ පරීක්ෂණ දෙපාර්තමේන්තුව (CID) මගින් සිදු කරනු ලබන විමර්ශන කටයුතු, වත්මන් අපරාධ පරීක්ෂණ දෙපාර්තමේන්තු අධ්යක්ෂවරයාගෙන් ඉවතට පැවරීමට නොහැකි බව කොළඹ කොටුව මහේස්ත්රාත් අධිකරණය අද (01) නියෝග කළේය.
මෙම නඩුව අද කොළඹ කොටුව මහේස්ත්රාත් අධිකරණය හමුවේ කැඳවූ අවස්ථාවේදී මෙම නියෝගය ප්රකාශයට පත් කරන ලදී.
පිටු 23කින් සමන්විත දීර්ඝ නියෝගයක් නිකුත් කරමින්, කොළඹ කොටුව ප්රධාන මහේස්ත්රාත් පසන් අමරසේන විසින් සුරේෂ් සලෙයි වෙත ලිවීම් ද්රව්ය සහ ලිපිද්රව්ය ලබා දෙන ලෙස කළ ඉල්ලීම ද ප්රතික්ෂේප කරනු ලැබීය.
මීට අමතරව, තමන්ට අධිකරණය හමුවේ රහසිගත ප්රකාශයක් ලබා දීමට අවසර දෙන ලෙස සුරේෂ් සලෙයි විසින් කරන ලද ඉල්ලීම ද ප්රධාන මහේස්ත්රාත්වරයා විසින් ප්රතික්ෂේප කිරීමට පියවර ගන්නා ලදී.
ප්රධාන මහේස්ත්රාත් අමරසේන මෙහිදී වැඩිදුරටත් නියෝග කර සිටියේ හිටපු බුද්ධි ප්රධානියාව ඉදිරි සියලුම නඩු වාරයන් සඳහා වීඩියෝ තාක්ෂණය (Video Conference) ඔස්සේ අධිකරණයට ඉදිරිපත් කරන ලෙසයි. ( නිවුස් ෆස්ට්)
