සියලු විනිශ්චකාරවරුන්ගේ විශ්රාම ගැනීමේ වයස දීර්ඝ කිරීම සම්බන්ධයෙන් රජය ගෙන ඇති තීරණයට සිය විරෝධය පළ කරමින් ශ්රී ලංකා අධිකරණ සේවා සංගමය ජනාධිපති අනුර කුමාර දිසානායක වෙත ලිඛිතව සිය අදහස් පළ කර තිබේ.
මෙම කාරණාව සම්බන්ධයෙන් ශ්රී ලංකා අධිකරණ සේවා සංගමයේ නිල මතය තීරණය කිරීම සඳහා 2026 ජූලි මස 11 දින පැවති විශේෂ මහා සභා රැස්වීමේදී යෝජනා සම්මතයකට එළැඹි බව එම නිවේදනයේ දැක්වේ.
එම ඒකමතික යෝජනා සම්මතය මඟින් පෙන්වා දී ඇත්තේ, “උපරිමාධිකරණ විනිසුරුවරුන් ඇතුළු සියලුම විනිසුරුවරුන්ගේ ව්යවස්ථාපිත විශ්රාම ගැනීමේ වයස දීර්ඝ කිරීම සම්බන්ධයෙන් ශ්රී ලංකා අධිකරණ සේවා සංගමය එකඟ නොවන බවට 2026 ජූලි මස 11 වන දින පැවති විශේෂ මහා සභා රැස්වීමේදී පැවති රහස් ඡන්දයේදී ඒකමතිකව තීරණය කර සහ සම්මත කරන ලදී” යන්නය.
ශ්රී ලංකා අධිකරණ සේවා සංගමයේ උප සභාපති සහ වැඩ බලන සභාපති චාමර වික්රමනායකගේ අත්සනින් යුතුව මෙම ලිපිය ජනාධිපතිවරයා වෙත යොමු කර තිබේ.
අදාල ලිපිය පහත දැක්වේ.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
