නාවලපිටියේදී ත්‍රිරෝද රථයක් මතට ගසක් කඩා වැටී පාසල් සිසුවෙකු ඇතුළු තිදෙනෙක් ජීවිතක්ෂයට!

රංජිත් රාජපක්ෂ –

නාවලපිටිය මාපාකන්ද ප්‍රදේශයේ සිට නාවලපිටිය දෙසට ධාවනය වෙමින් තිබූ ත්‍රිරෝද රථයක් මතට ප්‍රධාන මාර්ගය අසල තිබූ විශාල යූකැලිප්ටස් ගසක් කඩාවැටීමෙන් එකම පවුලේ පාසල් සිසුවෙකු, ඔහුගේ මව සහ තවත් කාන්තාවක ඇතුළු තිදෙනෙකු අවාසනාවන්ත ලෙස ජීවිතක්ෂයට පත්ව තිබේ.

අද (04) උදෑසන 6:45 ට පමණ මෙම බිහිසුණු අනතුර සිදුව ඇති අතර, අනතුරින් ත්‍රිරෝද රථයේ රියදුරා පමණක් ආශ්චර්යමත් ලෙස දිවි බේරා ගැනීමට සමත්ව ඇත. අනතුර සිදුවූ වහාම ක්‍රියාත්මක වූ නාවලපිටිය පොලිස් නිලධාරීන් සහ ප්‍රදේශවාසීන් එක්ව දැඩි වෙහෙසක් දරා ගසට යටවී සිටි තිදෙනාගේ සිරුරු ඉවතට ගෙන නාවලපිටිය දිස්ත්‍රික් මහ රෝහල වෙත ඇතුළත් කිරීමට පියවර ගත්තේය.

නාවලපිටිය මාපකන්දේ සිට නාවලපිටිය දක්වා කුලි ගමන් සේවයේ යෙදෙන ත්‍රි රෝද රථයේ මව සහ සිය පුතු සමග නාවලපිටිය රෝහලේ (04) දින පැවැත්වෙන සායන කටයුත්තකට සහභාගි විම සදහා යමින් සිටියදී දෙදෙනාම මෙම අනතුරට ලක් වී ඇති බවයි අනතුරින් මිය ගිය කාන්තාවගේ මව කියා සිටියේ.

මෙම අනතුරිය් මිය ගිය අනික් කාන්තාව නාවලපිටිය නගරයේ සිය දියණියගේ නිවසට යමින් සිටියදි මෙම අනතුරට පත් වී ඇත.
මෙසේ මිය ගොස් ඇත්තේ ගලබොඩ දෙමළ විද්‍යාලයේ 9 වන වසරේ ඉගෙනුම ලබමින් සිටි නාවලපිටිය ගලබොඩ පහළ කොටස ගලබඩ පදිංචි 14 හැවිරිදි සුරේෂ් වන්දන්, 57 හැවිරිදි පක්කිනාදන් ජෙනී, 42 හැවිරිදි ගලබොඩ පහළ කොටස ගලබඩ පදිංචි සොනමුත්තු කවිතා (මව) යන අයයි.

නාවලපිටිය ගලබොඩ පහළ කොටස ගලබඩ පදංචි නඩරාජා සෙල්වකුමාර නැමති රියදුරු නාවලපිටිය මූලික රෝහලේ ප්‍රතිකාර ලබයි.

ප්‍රදේශවාසීන් පවසන්නේ කාලයක් තිස්සේ දිරාපත් වි තිබූ එම යූකැලිප්ටිස් ගස කපා ඉවත් කරන ලෙස අදාළ ආයතන වෙත දැනුම් දි තිබුණත්, එයට මෙතෙක් විසදුම් නොලැබිම හමුවේ එම ගස ත්‍රීරෝද රථයක් මතට කඩා වැටීමෙන් මෙවැනි විපතක් සිදු වි ඇති බවයි.
අනතුර පිලිබද නාවලපිටිය පොලිසිය පරික්ෂන පවත්වයි.