ඊයේ අභියාචනාධිකරණය විසින් අපේක්ෂිත ඇප ප්රතික්ෂේප කිරීමෙන් අනතුරුව මෙතෙක් අපරාධ පරීක්ෂණ දෙපාර්තමේන්තුව මගහරිමින් සිටි හිටපු පාර්ලිමේන්තු මන්ත්රී ජොන්ස්ටන් ප්රනාන්දු ප්රකාශයක් ලබාදීම සඳහා අපරාධ පරීක්ෂණ දෙපාර්තමේන්තුව වෙත පැමිණ තිබේ.
මෙම විමර්ශනයට අදාලව තමන් අත් අඩංගුවට නොගන්නැය ඊයේ අපේක්ෂිත ඇප අයදුම්පතක් අභියාචනධිකරණයට ඉදිරිපත් කළ ජොන්ස්ටන් ප්රනාන්දු අධිකරණය කීවේ අපේක්ෂිත ඇප අයදුම්පතක් ගැන සලකා බැලීම සඳහා අපරාධ පරීක්ෂණ දෙපාර්තමේන්තුවට ගොස් ප්රකාශයක් ලබා දී එන ලෙසය.
ඒ අනුව අද අපරාධ පරීක්ෂණයට ගොස් ජොන්සටන් ප්රනාදු කට උත්තරයක් ලබා දෙන බව ඔහුගේ නීතිඥවරු අධිකරණයට පොරොන්දු වූහ.
ඒ අනුව ජොන්ස්ටන් ප්රනාන්දු මේ වනවිට සීඅයිඩි ය වෙත පැමිණ තිබේ.
වෙනත් පුද්ගලයෙකුගේ නවතා ඇති වාහනයක ගරාජ් අංකයක් හොරකම් කරගෙන එය සිය නීති විරෝධීව රට තුළ එකළස් කළ බවට දැනට හෙළි වී ඇති වාහනයේ ගසා පසුගිය මැතිවරණ සමයේදීම ඔහු එම රථය භාවිතා කර ඇති බව අධිකරණයේ දී ඊයේ හෙළි විය.
ගරාජ් අංකයක් සහිත වාහනයක් භාවිතා කරන්නේ කෙසේ දැයි ඊයේ අධිකරණය ද ප්රශ්න කළේය.
විමර්ශන නිලධාරීන් පසුගියදා මෙම BMW වර්ගයේ වාහනය සොයා ගන්නේ හිල්ටන් හෝටලයේ රථ ගාලේ තිබිය දීය.
කෙසේ වෙතත් මාධ්ය වෙත අදහස් දක්වමින් ජොන්ස්ටන් ප්රනාන්දු පවසා සිටියේ, “බලමු මොකද වෙන්නේ කියලා…කාලය විසින් ප්රශ්නවලට උත්තර දෙයි. සත්ය ජයග්රහණය කරයි” ලෙසය.
