තුෂාරී කළුබෝවිල –
දිවයිනේ ප්රදේශ රැසකට බලපා ඇති අධික වැසි තත්ත්වය තවදුරටත් පවතින බව කාලගුණ විද්යා දෙපාර්තමේන්තුව පවසයි.
වැසි සමග ඇතැම් ප්රදේශවල ට තද සුළං හා අකුණු අනතුරු ද ඇති වන බව වැඩිදුරටත් අවධාරණය කරයි.
ඒ අනුව සබරගමුව, බස්නාහිර, මධ්යම, උතුරු මැද, ඌව, දකුණ පළාත්වලට මෙසේ වැසි සුළං ඇති වන අතර මහනුවර සහ නුවරඑලිය දිස්ත්රික්කවල ඇතැම් ස්ථානවලට මිලිමීටර් 100ට වැඩි තද වැසි ඇතිවිය හැකි බව කාලගුණ විද්යා දෙපාර්තමේන්තුව පවසයි.
මධ්යම කඳුකරයේ බටහිර බෑවුම් ප්රදේශවල බස්නාහිර, වයඹ, උතුරු-මැද සහ දකුණු පළාත්වලත් ත්රිකුණාමලය දිස්ත්රික්කයෙත් විටින් විට පැයට කිලෝ මීටර් 50-55ක පමණ තද සුළං ද ඇතිවිය හැකි බව ඔවුහූ පවසති.
කඳුකර නායයාම් අවධානම සහිත ප්රදේශවල මෙන් ම ගංගා ආශ්රිත ව පහත් බිම්වල ජීවත් වන ජනතාව හා කඳුකර ප්රදේශවල මාර්ග භාවිත කරන්නන් දැඩි විමසිල්ලෙන් සිටිය යුතු බව අවධාරණය කෙරේ.
අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙසත්, තද සුළඟින් ගස් කඩාවැටීම් සිදුවිය හැකි බැවින් විදුලි රැහැන්වලින් ආරක්ෂා වන ලෙසත් අවධාරණය කෙරේ
