ශ්රියානි විජේසිංහ –
වසර 2015 දී මෙරට කරන ලද සමීක්ෂණයක් අනුව දුම්කොල ආශ්රිත නිෂ්පාදන 9 ,10, සහ 11 ශ්රේණිවල සිසුන් භාවිතා කරන බවත් එම වයස් ඛාණ්ඩවල පසුවන දරුවන්ගෙන් සියයට 5.7 ජීවිතයේ කෙදිනක හෝ දුම්වැටියක් භාවිතා කර ඇති බවත් සියය 3.7ක් නිතර දුම්වැටි භාවිත කරන්නන් බවත් හෙලිව ඇතැයි රිජ්වේ ආර්යා ළමා රෝහලේ ස්වසන රෝග විශේෂඥ වෛද්ය චන්න ද සිල්වා සඳහන් කළේ.
දුම්පානයට ඇබ්බැහි වී ඇති නව යෞවනයන් තවත් දශක කීපයකින් හෘදයාබාධ, ශ්වසන රෝග පිළිකා ආදි මාරාන්තික ගොදුරුවීමේ වැඩි ප්රවණතාවක් ඇති බවද ඔහු පෙන්වාදේ.
එමෙන්ම දුම්වැටි සම්බන්ධව විශේෂ හෙළිදරව්ව් කරමින් ප්රජා වෛද්ය විශේෂඥ ශලනි රාජපක්ෂ පවසා සිටින්නේ ශ්රී ලංකාව තුළ වසරකට දුම් පානය නිසා මිය යන සංඛ්යාව 20000ක් පමණ බවත් දිනකට පුද්ගලයින් 50ක් දුම්වැටි භාවිතය හේතුවෙන් මරණයට පත්වෙන බවත්ය.
දුම්පානය කරන පුද්ගලයින්ගෙන් සියයට 50ක් දෙනාගේ මරණ වලට සිගරැට් ආයතන සෘජුවම වගකිව යුතු බව සොයා ගෙන ඇතැයි විශේෂඥවරිය සඳහන් කරයි.
1950 වසරේ සිටම මේ බව සොයා ගෙන ඇති නමුත් නීත්යානුකූල වෙළඳ භාණ්ඩයක් බවට සිගරැට්ටුව පත්ව තිබීම පුදුමයට කරුණක් බවද ඇය පෙන්වාදේ.
වසරකට ලොව පුරා මිලියන 8ක් පමණ මරණයට පත්වෙන අතර දුම්බොන්නන අසල සිටින පුද්ගලයන් නැතහොත් අක්රිය දුම්පානය හේතුවන් වසරකට ලක්ෂ 9ක් මිය යන බවද ලෝක සෞඛ්ය සංවිධානය පවසයි.
ලෝක දුම්වැටි විරෝධී දිනය අද (31) යෙදී තිබුණු අතර “ දුම්කොළ කාර්මාන්තයෙන් දරුවන් ආරක්ෂා කර ගනිමු“ යන්න තේමා කර ගනිමින් ලෝක දුම්වැටි දිනය සමරනු ලැබුවේය.
