බැසිල් රාජපක්ෂ නුදුුරේදීම ශ්රී ලංකාවේ දේශපාලන කටයුතු ආරම්භ කරන බව ශ්රී ලංකා පොදුජන පෙරමුණේ මහලේකම් සාගර කාරියවසම් පවසයි.
ද්විත්ව පුරවැසිභාවය පාර්ලිමේන්තුවට ප්රවේශවීම සඳහා බාධාවක් කරමින් 22 වැනි ව්යවස්ථා සංශෝධනය සම්මත කරගෙන මේ රට ලෝකයට පෙන්නුම කළේ තමන්ගේ ගෝත්රික බව යැයි කී සාගර කාරියවසම්, එම තත්ත්වය රට තුළ දේශපාලනය කිරීමට කිසිම බාධාවක් නොවන බව පෙන්වා දුන්නේය.
ලංකාවට නුදුරේදීම පැමිණෙන බැසිල් රාජපක්ෂ පොහොට්ටුව තව දුරටත් ශක්තිමත් කරන බවත්, බැසිල් රාජපක්ෂ පහුගිය මහා මැතිවරණයෙන් ජනාධිපතිවරයෙක් බිහි කළේත්, පළාත් පාලන හා මහා මැතිවරණවලින් ඉතිහාසගත ජයග්රහණ අත්කරගත් දේශපාලන පෙරළියක් කළේත් ස්වකීය ද්විත්ව පුරවැසි භාවය ගැන සිතමින් නොවන බවත් සාගර කාරියවසම් පැවසුවේය.
ඔහු පවසන්නේ 22 වැනි ව්යවස්ථා සංශෝධනයෙන් කිසිසේත්ම පක්ෂයට හානියක් සිදු නොවන බවය. නමුත් එය සම්මත වීමෙන් මේ රටේ ගෝත්රික භාවය ඉස්මතුවීම කණගාටුවට කරුණක් බවය.
ලොකයේ වෙනත් රටවල ද්විත්ව පුරවැසියන්ට මෙවැනි බාධක නැතැයි කියන සාගර කාරියවසම් තමන්ගේ පක්ෂයට මේ අසවස්ථාවේ දී හෘදය සාක්ෂයට එකඟව තීරණයක් ගන්නා ලෙස දැන්වූ නිසා මන්ත්රීවරු පිරිසක් ඊට පක්ෂව ඡන්දය දුන් බව කීවේය.
තමන් 22ට ඡන්දය නොදුන්නේ ගෝත්රික භාවය ඉස්මතුවීම මොනම අවස්ථාකවකවත් අනුමත නොකරන නිසා යැයි කී සාගර කාරියවසම් එම 22ට පක්ෂව ඡන්දය දීමේ හෝ නොදීමේ තීරණ පක්ෂයට බලපාන්නේ නැති නමුත් රටට බලපානු ඇතැයි පැවසුවේය.
19 වැනි ව්යවස්ථා සංශෝධනය ගෙනා පසු රටේ බෝම්බ් පිපිරී ගිය බවත් එම අපරාධවලට තවම වගකිවයුත්තෙක් නැති බවත් ඔහු කීවේය.
සාගර කාරියවසම් අවධාරණයෙන් කියන්නේ පොහොට්ටුවේ කිසිම සාමාජිකයෙක් එක්සත් ජාතික පක්ෂයට එක්වීමේ කිසිම සූදානමක් නැති බවය.
එසේ පලවන කතා සියල්ල අසත්ය බවය.
.
