ඉන්දියාවෙන් පසුගිය 19 වැනිදා ආනයනය කරන ලද බිත්තර මිලියනයක තොගයේ සාම්පල අද (22) ලබා ගන්නා බව රාජ්‍ය වාණිජ විවිධ නීතිගත සංස්ථාව සඳහන් කරයි.
පසුගිය 14 වනදා දිවයිනට රැගෙන ආ බිත්තර මිලියනයක තොගයේ සාම්පල, පරීක්ෂණ කටයුතු සඳහා සත්ත්ව නිෂ්පාදන හා සෞඛ්‍ය දෙපාර්තමේන්තුව වෙත ලබාදී ඇති බවත් එහි සභාපති ආසිරි වලිසුන්දර පැවසුවේය.
එම බිත්තර තොගය ලබන 24වැනිදා නිදහස් කිරීමට හැකි වන බව ද ඔහු කියා සිටියි.
මෙම බිත්තර තොගය කොළඹ දිස්ත්‍රික්කයේ බේකරි කර්මාන්තකරුවන් සඳහා පමණක් මේ දක්වා බෙදාහැරීම සිදු වේ. සෙසු දිස්ත්‍රික්ක සඳහා ද බිත්තර බෙදාහැරීමට සත්ත්ව නිෂ්පාදන හා සෞඛ්‍ය දෙපාර්තමේන්තුව මේ වනතෙක් අවසර ලබා දී නැත.
මේ වන විට ඉන්දියාවෙන් බිත්තර මිලියන 5ක අධික ප්‍රමාණයක් මෙරටට ආනයනය කර තිබේ.
තවත් බිත්තර මිලියන 02ක් ලබන සතියේ ආනයනය කිරීමට නියමිතය.
