ඉන්දියාවේ සංචාරයක නිරතව සිටි ෆීල්ඩ් මාර්ෂල් සරත් ෆොන්සේකා පසුගියදා ශ්රී ලංකාවේ සහ ඉන්දියාවේ ඊශ්රායල නියෝජිතයා හමුවී රහස් සාකච්ඡාවක් පැවැත්වීම දේශපාලඥයින් සහ දේශපාලන විශ්ලේෂකයින් අතර කැළඹීමක් ඇති කර තිබේ.
දේශපාලන ආරංචි මාර්ගවලට අනුව 2010 ජනාධිපතිවරණයේ ප්රමුඛ අපේක්ෂකයෙකු වන සහ ඉදිරි ජනාධිපතිවරණයට සූදානම් වන බව දන්නවා ඇති සරත් ෆොන්සේකා නවදිල්ලියට ගොස් ඊශ්රායල තානාපතිවරයා හමුවීම ඉන්දීය රජය නොදැන සිටි බව තානාපති කාර්යාල ආරංචි මාර්ග තහවුරු කර ඇත.
සමගි ජන බලවේග පාර්ලිමේන්තු මන්ත්රී ෆීල්ඩ් මාර්ෂල් සරත් ෆොන්සේකා නවදිල්ලිය බලා යාමට පෙර සිය X සමාජ මාධ්ය වේදිකාව හරහා ඉදිරි ජනාධිපතිවරණයට තරඟ කිරීමට සූදානම් බව පසුගියදා ප්රකාශ කළේය.
සමගි ජන බලවේගයේ සභාපතිවරයා ලෙස තවදුරටත් කටයුතු කරන සරත් ෆොන්සේකා, පක්ෂ නායක සහ විපක්ෂ නායක සජිත් ප්රේමදාස සහ තමන් අතර වර්ධනය වන දුරස්ථභාවයක් පිළිබඳව පසුගියදා ප්රකාශ කළේය.
කෙසේ වෙතත් ඊශ්රයාල නියෝජිතයා සහ සරත් ෆොන්සේකා අතර පැවති සාකච්ඡාවේ තොරතුරු කිසිවක් අනාවරණය වී නැත.
