සූරියවැව නුවන් ජයසේකර –
-
තෑගිභෝග දි දුප්පත් පවුල්වල ළමුන් රැසක් අපයෝජනය කරලා. චීවරධාරියාට දේශපාලන රැකවරණය ඇති නිසා නීතිය ඉදිරියට යන්න ගම්මු බය වෙලා…
-
දැරියක් සිහි නැතිකර ආවාසයට රැගෙන ගොස් ලිංගික අපරාධයක් කිරීමේ වරදට මේ චීවරධාරියා ඇප පිට සිටින විට සාමනේර නමට ලිංගික අපරාධය කරලා…
ළමා අපයෝජන කිහිපයක් සම්බන්ධයෙන් ඇප පිට සිටය දි පන්සලේ සාමණේර හිමි නම කෙළෙසූ සූරියවැව රම්මුදුවැව විහාරස්ථානයේ විහාරධිපති චීවරධාරියා ජුනි මස 02 වන දින දක්වා රක්ෂිත බන්ධනාගාර ගත කරනලෙස හම්බන්තොට මහේස්ත්රාත් හා අතිරේක දිසා විනිසුරු ඕෂධ මිගාර මහආරච්චි මහතා අද (19) සවස නියෝග කළේය.
මෙලෙස රකෂිත බන්ධනාගාර ගත කෙරුනේ සූරියවැව රම්මුදුවැව ශ්රි බෝධීරාජාරාම විහාරස්ථානයේ විහාරාධිපති කැටපළ අමරකිත්ති නැමති චීවරධාරියායි.
සැකකාර විහාරාධිපති චීවරධාරියා විහාරස්ථානයේ වැඩ සිටි 15 හැවිරිදි කුඩා සාමණේර හිමි නමක අවස්ථා කිහිපයකදීම බරපතළ ලිංගික අපයෝජනයට ලක් කර තිබිණි.
අපයෝජනයට ලක් වු සාමණේර හිමි නම සිය ඥාතියෙකු මාර්ගයෙන් හදපානාගල දෙහිගස්හන්දිය ප්රාදේශීය රෝහලට ඇතුළත්ව ඇති අතර පසුව උන්වහන්සේ වැඩිදුර ප්රථිකාර සදහා වැල්ලවාය මූලික රෝහලට ඇතුළත් කර තිබේ.
එහිදි රෝහල් පොලිසිය විසින් සූරියවැව පොලිසියට සිදුකල දැනුම්දිමකට අදාලව සැකකාර චීවරධාරියා අත්අඩංගුවට ගනු ලැබුවේය.
අත්අඩංගුවට පත් සැකකාර චීවරධාරියා කාලාන්තරයක් තිස්සේ දුප්පත් පවුල්වල දරුවන්ට විවිධ තෑගි භෝග ලබා දී ලිංගික අපයෝජනය කර ඇති බවට මුලික පොලිස් පරික්ෂණ වලදි අනාවරණය වි තිබේ.
සැකකාර චීවරධාරියා විවිධ දේශපාලන උදව් උපකාර ලබා ගනිමින් ඔහු විසින් සිදුකරනු ලබන මෙම අපරාධ යටපත් කිරිමට දිගින් දිගටම කටයුතු කරන බවත් සැකකාර හිමි නමගෙන් කරදර වනු ඇතැයි බියෙන් අපයෝජනයට ලක් වු දරුවන්ගේ බොහෝ දෙමාපියන්ද නිතිය හමුවට නොගොස් සිටින බවත් ගම්මු පැවසූහ.
සැකකාර හිමි නමට මේ වන විටත් බාලවයස්කාර දැරියන් සිහි නැතිකර සිය කාමරයට රැගෙන ගොස් අපයෝජනයට ලක්කිරීමේ චෝදනාවට අදාලව හම්බන්තොට මහාධිකරණය හමුවේ විභාග වෙමින් පවතින නඩු දෙකක් පවතින බවත් ඒ නඩු සදහා ඇප පිට සිටියදි මෙම අපරාධය සිදුකර ඇති බවත් පොලිස් පරික්ෂණ වලදි අනාවරණය වි තිබේ.
සැකකාර චීවරධාරියා න යළි ජුනි 02 දින අධිකරණය හමුවට ඉදිරිපත් කිරිමට නියමිතය.
තංගල්ල කොට්ඨාස බාර ජ්යෙෂ්ඨ පොලිස් අධිකාරී කීර්තිරත්න, සූරියවැව පොලිස් ස්ථානාධිපති ප්රධාන පොලිස් පරික්ෂක අනුර සුසන්තගේ උපදෙස් පරිදි උපරාධ අංශයේ ස්ථානාධිපති පොලිස් පරික්ෂක ලලිත්පොලිස් සැරයන් වරුන් වන (41717)සම්පත්,(42749)නිමල්,62427)සිරිවර්ධන පොලිස් කොස්තාපල් වරුන් වන (100326)උඩවත්ත,(74042)අසංක හා කාන්තා පොලිස් කොස්තාපල් (11107)ගයානි යන නිළධාරීන් විසින් වැඩිදුර විමර්ශන පවත්වයි.
