හොරු අල්ලන්ට පොරොන්දු වී බලයට පැමිණි පිරිස් හොරුත් සමග ඩීල් දමා හොරුන්ට අගමැතිකම් ජනාධිපතිකම් දුන් ඉතිහාසයක් සහිත රටක ජනතා සැබෑ අපේක්ෂාව අවභාවිතා වූ ආකාරය ඊයේ (18) ජාතික ජන බලවේගයේ නායක අනුර කුමාර දිසානායක විසින් හෙළි කළේය.
ඔහු මේ බව පැවසුවේ ඊයේ තංගල්ලේ පැවති ජාතික ජන බලවේගයේ මංගල ජන රැළිය අමතමිනි. අපට මතක තිස් වසරක අතීතයේ උදාහරණ සහිව ඔහු කී කතාව මෙසේය.
මේ රටේ මහා පරිමාණ වංචා දූෂණ සිදුවී තිබෙනවා. මා විශ්වාස කරනවා 1994 ඉඳන් පහුගිය අවුරුදු 30ම ආණ්ඩු මාරු කළේ වංචාව නතර කරන්න… දූෂණය නතර කරන්න… වංචනිකයින්ට දඬුවම් දෙන්න… දූෂිතයින්ට දඬුවම් දෙන්න කියලා.
එහෙම නෙමෙයි ද. මට මතකයි 1994 වසරෙදි චන්ද්රිකා බණ්ඩාරනායක කුමාරතුංග මැතිණිය වේදිකාවෙ නැගලා කිව්වා විජේපාල මෙණ්ඩිස් රුපියල් 2.50 ගානේ පොල් අක්කර 75ක් ගත්තා කිව්වා පොල් ත්රිකොණයෙන්. ඇය කිව්වා ඇය ආවට පස්සේ එයාට දඬුවම් දෙනවා කියලා. හැබැයි කෙළවර වුනේ කොතැනින්ද. චන්ද්රිකා කුමාරතුංග මැතිණියගේ ආණඩුවේ ඇමති කෙනෙක් වුනා විජේපාල මෙන්ඩිස්.
ඔබට මතක ඇති. 2015 අවුරුද්දේ කිව්වා මෛත්රීපාල සිරිසේන වේදිකාවෙ නැගලා කිව්වා රාජපක්ෂලා මහා පරිමාණ දේපල හොරකම් කරලා තියනවා. ඔහු කිව්වා ඔහු ජනාධිපති වුනාට පස්සේ එයාපෝට් වහලා ඔවුන්ට දඬුවම් දෙනවා කිව්වා. හැබැයි සිද්ධ වුනේ මොකක් ද?. මෛත්රීපාල සිරිසේන හදිස්සියේ රෑ අර මහින්ද රාජපක්ෂට අගමැති කම දුන්නා. ආවෙ අල්ලන්ඩ. ඉවර වුනේ අගමැතිකම දීලා. කොහෙද හොරු ඇලුල්වේ.
2019 කිව්වා මහ බැංකුවෙ මහා වංචාවක් වෙලා තියනවා. මේ මහ බැංකුවේ මහා වංචනිකයාට ඳඬුවම් දෙන්න ඒගොල්ලන්ට බලය දෙන්න කිව්වා. හැබැයි සිද්ධ වුනේ මොකකද?. මහ බැංකුවේ මහා වංචාවට සම්බන්ධ රනිල් වික්රමසිංහ හිරේ දාන්න එනවා කිව්වා. අන්තිමට රනිල් වික්රමසිංහට ජනාධිපතිකම දුන්නා.
එනවා කිව්වේ චංචනිකයින්ට ඳඬුවම් දෙන්න. එනවා කිව්වේ වංචනිකයින්ට දඬුවම් දෙන්න. ජනතාව අවුරුදු 30කට වැඩි කාලයක් පුල පුලා බලාගෙන ඉන්නවා. ජනතාවට මේ ප්රාර්ථනය තියනවා. අපි කොහොමද හොරකම් කරන්නේ නැති රටක් හදන්නේ. අපි කොහොමද හොරකම් කරන්නේ නැති ආණ්ඩුවක් හදන්නේ. අපි කොහොමද මහජනයාගේ දේපල හොරකම් කරපු ආණ්ඩුවකට ඳඩුවම් දෙන්නේ. කොහොමද හොරකම් කරපු මහ ජනයාගේ දේපල යළි පවරා ගන්නේ කියලා. කොච්චර කාලයක් කල්පනා කළා ද?. කොච්චර කාලයක් ඒ ප්රාර්ථාවත් එක්ක ඡන්දය දුන්න ද?.
ඒ ප්රාර්ථනය ඉටු වුනේ නෑ.
අපි ඔබට හසතිකයක් දෙන්නම්. ඒ ප්රාර්ථනය ඉටු කරන එකම ආණඩුව ජාතික ජන බලවේගයේ ආණ්ඩුව.
