ශ්රියානි විජේසිංහ –
සෞඛ්ය අමාත්යංශය අත්තනෝමතික ලෙස සිදුකරන වෛද්ය ස්ථානමාරු හේතුවෙන් හෙට (31) සිට දීප ව්යාප්ත වෘත්තීය සමිති ක්රියාමාර්ගයකට එළඹෙන බව රජයේ වෛද්ය නිලධාරීන්ගේ සංගමය ප්රකාශ කරයි.
මේ සම්බන්ධයෙන් එම සංගමයේ මාධ්ය ප්රකාශක වෛද්ය චමිල් විජේසිංහ පවසා සිටියේ, සියලුම රෝහල් මේ සඳහා සහභාගි වන බවය.
ඒ අනුව දෛනික ප්රතිකාර සේවා සියල්ල හෙට අඩපණ වනු ඇති බව හෙතෙම පැවසීය.
කෙසේ නමුත් සෞඛ්ය බලධාරීන් සාධාරණ විසඳුමක් ලබා දෙන්නේ නම් වැඩවර්ජනය පිළිබඳව යළි සලකා බැලීමට සූදානම් බවත් ඔහු වැඩිදුරටත් සඳහන් කළේය.
සෞඛ්ය අමාත්යංශය වෛද්යවරුන් පීඩාවට පත් කරමින් සිදුකරන මෙම අත්තනෝමතික ක්රියා කලාපයන හේතුවෙන් හෙට දිනයේ සිට රෝගී සත්කාර සේවාවන් බිඳවැටනු ඇතැයි ලේකම්වරයා ප්රකාශ කළේය.
සෞඛ්ය ඇමතිවරයාගේ මූලිකත්වයෙන් පැවති විශේෂ සාකච්ඡාවකදී වෛද්යවරුන්ගේ ස්ථානමාරු ක්රියාවලිය නිසි ක්රමවේදයකට අනුව ක්රියාත්මක කරන බවට සෞඛ්ය සේවා අධ්යක්ෂවරයා, සෞඛ්ය ලේකම්වරයා ඇතුළු නිලධාරීන් පොරොන්දු වුවද එම පොරොන්දුව මේ වන විට කඩ වී ඇති බවද සංගමය පැවසුවේය.
