ශ්රියානි විජේසිංහ –
රජයේ රෝහල්වල දීප ව්යාප්තව අද (31) උදෑසන 8.00ට ආරම්භ කිරීමට නියමිතව තිබු වෛද්ය වැඩ වර්ජනය අද දහවල් 12.00 දක්වා අත්හිටුවීමට රජයේ වෛද්ය නිලධාරීන්ගේ සංගමය ඊයේ රාත්රියේදී තීරණය කර ඇත.
සංගමය මෙම තීරණය ගෙන ඇත්තේ ඊයේ රාත්රියේදී සෞඛ්ය ඇමති වෛද්ය නලීන්ද ජයතිස්ස දුරකථන මාර්ගය හරහා සම්බන්ධ වෙමින් සෞඛ්ය සේවා අධ්යක්ෂ ජනරාල්වරයා සහ වෛද්ය සංගමය අතර පැවති විශේෂ සාකච්ඡාවකදී දැනට අමාත්යංශය මගින් ක්රියාත්මක කිරීමට නියමිතව තිබු අත්තනෝමතික වෛද්ය ස්ථානමාරුවීම් අත්හිටුවීමටත් ඒ වෙනුවට පිළිගත් ක්රමවේදයක් ක්රියාත්මක කිරීමටත් එකඟ වීම හේතුවෙන බව සංගමයේ මාධ්ය ප්රකාශක වෛද්ය චමිල් විජේසිංහ පැවසුවේය.
එම එකඟතාවය අද (31) දින පැවැත්වෙන සෞඛ්ය අමාත්යංශයේ පරිපාලන වෛද්යවරුන්ගේ විශේෂ සාකච්ඡාවේදී තහවුරු නොවුවහොත් ඒ මොහොතේ සිට දීප ව්යාප්ත වැඩ වර්ජනය ආරම්බ කරන බව සංගමය අවධාරණය කරයි.
