හිටපු ක්රීඩා ඇමති නාමල් රාජපක්ෂගේ බලපෑම මත ගනු ලැබූ සමහර තීරණ හේතුවෙන් කණ්ඩායම දුර්වල වූවා පමණක් නොව විනය ද බිඳ වැටුණු බව ක්රිකට් විධායක සභාවේ නිලධාරියෙක් ක්රීඩා ඇමතිවරයා ඇතුළු ක්රීඩා බලධාරීන්ට දන්වා ඇතැයි වාර්තා වේ.
මේ බව ප්රකාශ වී ඇත්තේ විස්සයි විස්ස ලෝක කුසලාන තරගාවලිය පැවැති සමයේ ශ්රී ලංකා ක්රිකට් ක්රීඩකයන්ගේ ප්රශ්න සහගත ක්රියා පටිපාටිය හා පරාජයන්ට හේතු සොයා බැලීම සඳහා ක්රීඩා අමාත්ය රොෂාන් රණසිංහ විසින් ඊයේ ක්රීඩා අමාත්යංශයට ක්රිකට් විධායක සභාව කැඳවූ අවස්ථාවේ දී ය.
මේ අවස්ථාවට ක්රිකට් විධායක සභාවෙන් පැමිණ ඇත්තේ එක් අයකු පමණක් බවත් විධායක සභාවේ අනෙක් සාමාජිකයින් තවමත් ඕස්ට්රේලියාවේ සිටින බැවින් ඒමට නොහැකි බව දන්වා තිබේ.
මෙසේ පැමිණි නිලධාරියාද කණ්ඩායම දුර්වල වීමට හා විනය වැටීමට හේතු ලෙස දක්වා ඇත්තේ හිටපු ක්රීඩා ඇමතිවරයාගේ බලපෑම් මත ගනු ලැබූ තීරණයන්ය.
ක්රීඩා අමාත්යවරයාගේ කැඳවීම අනුව මෙම විධායක සභා නිලධාරියාට අමතරව කණ්ඩායමේ ප්රධාන පුහුණුකරු, කළමනාකරු හා නායක දසුන් ශානක ද ඊයේ ක්රීඩා අමාත්යාංශයට පැමිණ අදහස් දක්වා තිබිණි.
