පසුගිය රජය විසින් පවත්වාගෙන ගිය දූෂණ විරෝධී කමිටුවේ සහ එහි ලේකම් කාර්යාලයේ කටයුතු විමර්ශනය කරන විශේෂ ජනාධිපති විමර්ශන කොමිෂන් සභාව හිටපු අග්රාමාත්ය රනිල් වික්රමසිංහට එරෙහිව කරුණු 12කින් සමන්විත චෝදනා පත්රයක් නිකුත් කර තිබේ.
හිටපු අග්රාමාත්යවරයාට එරෙහිව ඇති චෝදනා තුනක් ජාතික විධායක සභාව (NEC), දූෂණ විරෝධී කමිටුව (ACC) සහ දූෂණ විරෝධී ලේකම් කාර්යාලය (ACS) ලෙස හඳුන්වන දේශපාලන ආයතන පිහිටුවීමට ආධාර කිරීම සහ අනුබල දීම මගින් ආණ්ඩුක්රම ව්යවස්ථාව උල්ලංඝණය කිරීම සම්බන්ධයෙනි.
සිව්වන චෝදනාව වන්නේ අපරාධ නඩු විධාන සංග්රහයේ විධිවිධාන උල්ලංඝනය කරමින් “මූල්ය අපරාධ විමර්ශන කොට්ඨාශය (FCID)” නමින් “පොලිස් කොට්ඨාශයක්” පිහිටුවීමට ආධාර අනුබල දීමයි.
ජාතික විධායක සභාවේ සහ දූෂණ විරෝධී කමිටුවේ සාමාජිකයෙකු ලෙස කටයුතු කරන අතරතුර, ලැයිස්තුගත කර ඇති පුද්ගලයින් 47 දෙනෙකුගෙන් දේශපාලන පළිගැනීම් සඳහා FCID, අල්ලස් කොමිසම, විශේෂ පොලිස් විමර්ශන ඒකක සහ අපරාධ පරීක්ෂණ දෙපාර්තමේන්තුව (CID) සෘජුව හෝ වක්රව භාවිතා කළ බවට හිටපු අග්රාමාත්යවරයාට තවදුරටත් චෝදනා එල්ල වේ.
.රජයේ දූෂණ විරෝධී කමිටුවේ සහ එහි ලේකම් කාර්යාලයේ කටයුතු විමර්ශනය කරන විශේෂ ජනාධිපති විමර්ශන කොමිෂන් සභාව ශ්රේෂ්ඨාධිකරණ විනිසුරු ධම්මික ප්රියන්ත සමරකෝන් ජයවර්ධන, ශ්රේෂ්ඨාධිකරණ විනිසුරු ඛේමා කුමුදිනී වික්රමසිංහ සහ අභියාචනාධිකරණ විනිසුරු රත්නප්රිය ගුරුසිංහගෙන් සමන්විත වේ.
