ලලිත් චාමින්ද –
පසුගිය පාර්ලිමේන්තුව නියෝජනය කරනු ලැබූ ගාල්ල දිස්ත්රික්කයේ හිටපු ඇමතිවරයෙකු. හිටපු රාජ්ය ඇමතිවරික් සහ හිටපු පාර්ලිමේන්තු මන්ත්රීවරු දෙදෙනකු මෙවර මැතිවරණය සඳහා තරග නොකිරීමට තීන්දු කොට ඇත.
ගාල්ල දිස්ත්රික් තේරීම් බාර නිලධාරිවරයා වෙත ඉදිරිපත් කරනු ලැබූ නාමයෝජනා පත්රවල මොවුන්ගේ නම් ඇතුළත්ව නොතිබිණි.
ඒ අනුව එක්සත් ජාතික පක්ෂයේ සභාපති හිටපු අමාත්ය සහ හිටපු පාර්ලිමේන්තු මන්ත්රී වජිර අබේවර්ධන මෙවර මැතිවරණයට තරග කරන්නේ නැත.
පොහොට්ටුවෙන් කැඩී රනිල් ජනපති කරන්නට එක් වී අන්තිම මොහොතේ සජිත් ගේ නුවර වේදිකාවට නැග රිංගන්නට තැනක් හොයාගන්නට උත්සාහ කළ හිටපු රාජ්ය ඇමතිනි ගීතා කුමාරසිංහත් මෙවර මැතිවරණයට තරග කරන්නේ නැත.
හිටපු පාර්ලිමේන්තු මන්ත්රීවරුන් වන ෂාන් විජයලාල් ද සිල්වා සහ සම්පත් අතුකෝරල ද මෙවර මැතිවරණය සඳහා තරඟ නොකරති.
හිටපු අමාත්ය වජිර අබේවර්ධනගේ නම නව ප්රජාතන්ත්රවාදී පෙරමුණේ ජාතික ලැයිස්තුවට ඇතුළත් කොට ඇති බව දේශපාලන ආරංචි මාර්ග සඳහන් කරයි.
හිටපු රාජ්ය ඇමතිනි ගීතා කුමාරසිංහ හිටපු පාර්ලිමේන්තු මන්ත්රීවරුන් වන ශාන් විජයලාල් ද සිල්වා සහ සම්පත් අතුකෝරල මහත්වරු පසුගිය පාර්ලිමේන්තු මැතිවරණයේදී ගාල්ල දිස්ත්රික්කයෙන් ශ්රී ලංකා පොදුජන පෙරමුණ නියෝජනය කරමින් තරඟකොට පාර්ලිමේන්තුවට තේරී පත්වූහ.
පසුගිය පාර්ලිමේන්තු මැතිවරණයේදී ශ්රී ලංකා පොදුජන පෙරමුණෙන් තරග කොට මනාප ඡන්ද ලක්ෂ දෙකකට වඩා ලබා ගත් හිටපු අමාත්ය රමේෂ් පතිරණ මෙවර මැතිවරණයේදී නව ප්රජාතන්ත්රවාදී පෙරමුණේ ගාල්ල දිස්ත්රික් කණ්ඩායම් නායකවරයා ලෙස මැතිවරණයට තරග කරයි.
එමෙන්ම පසුගිය පාර්ලිමේන්තු මැතිවරණයේදී සමගි ජන බලවේගයෙන් පාර්ලිමේන්තුවට තේරී පත්වූ හිටපු අමාත්යය මනූෂ නානායක්කාර මෙවර නව ප්රජාතන්ත්රවාදී පෙරමුණෙන් මැතිවරණය සඳහා ඉදිරිපත් වී ඇත.
හිටපු රාජ්ය අමාත්ය නීතිඥ මොහාන් පී ද සිල්වා. හිටපු පාර්ලිමේන්තු මන්ත්රී ඉසුරු දොඩංගොඩ මෙවරද ශ්රී ලංකා පොදු ජන පෙරමුණේ තරග කරති..
ජාතික ජන බලවේගයේ ගාල්ල දිස්ත්රික් කණ්ඩායමට නායකත්වය ලබා දෙන්නේ ජාතික ජන බලවේගයේ විධායක සභික හිටපු දකුණු පළාත් සභා මන්ත්රී නලින් හේවගේය. ජාතික ජන බලවේගයේ විධායක සභික හිටපු දකුණු පළාත් සභා මන්ත්රී රත්න ගමගේ හබරාදුව ආසනය නියෝජනය කරමින් මෙවර මැතිවරණය සඳහා තරග කරයි.
