-
කාන්තාවන් 400ක් සමග කාර්යාලයේ දි ලිංගිකව හැසිරිලා… ඒ හැසිරීම් වීඩියෝ කරලා… ලිංගිකව එක්වුන කාන්තාවන් අතර රටේ ජනාධිපතිවරයාගේ බිරිය සහ ඇමතිවරුන් 20ක ගේ පමණ බිරින්දෑවරු…
මධ්යම අප්රිකාවේ වෙරළ තීරයට ආසන්නව පිහිටි සමකගිනියාවේ ජාතික මූල්ය විමර්ශන ඒජන්සියේ ප්රධානියා බල්තසාර් එබන්ග් එංගොන්ගා ය. ඔහු රටේ ජනාධිපතිවරයාගේ ද බෑණනුවන් කෙනෙකි. ජාතික මූල්ය විමර්ශන ඒජන්සියේ ප්රධානියා බල්තසාර්ය. මුදල් විශුද්ධිකරණය වැනි මූල්ය අපරාධ මැඩලීම සිදුවන්නේ ඔහුගේ මූලිකත්වයෙනි.
මේ වනවිට අන්තර්ජලයේ වැඩියෙන්ම සොයනා පුද්ගලයෙක් වී ඇත්තේ බල්තසාර් එබන්ග් එංගොන්ගාය. සමක ගිනියාවත් සොයන්නන් අතර ප්රකට වී ඇත්තේ ඊට සංක්රමණය වීමට අසාවක් ඇති කරවන ආකාරයටය. බල්තසාර් තම කාර්යාලය තුළ කාන්තාවන් 400කට අධික පිරිසක් සමග ලිංගිකව හැසිරෙමින් තමන්ගේ හැසිරීම වීඩියෝගතකර තබා ගෙන තිබිණි. ඒවා ඔහු තැන්පත් කරගෙන තිබුණේ සිය නිවසේ ය. ඔහුගේ හැසිරීම සම්බන්ධව හා හූවක් පැතිරෙද්දී සිද්ධිය සම්බන්ධව විමර්ශන නිලධාරීන් ඔහුගේ නිවසත් පරීක්ෂා කළහ. නිවස පරීක්ෂා කරද්දී ඔවුන්ට හමුවන්නේ කාන්තාවන් සමග ඔහු ලිංගිකව හැසිරෙන වීඩියෝපට හාරසියයට අධික ප්රමාණයකි. කෙසේ වෙතත් අනෙක් අශිෂ්ට කාරණාව වන්නේ විමර්ශන අංශ විසින් අත් අඩංගුවට ගෙන තිබුණ එම වීඩියෝපට පසුව ඔවුන් විසින්ම සමාජ මාධ්යය වෙත මුදා හැර තිබීමය.
වීඩියෝ පට සමාජ මාධ්ය ඔස්සේ ගලා යන්නට වූයේ උමතුවෙනි. අනතුරුව රට ගිනි ගත්තේය. හේතුව වන්නේ බල්තසාර් ලිංගිකව හැසිරුණ කාන්තාවන් එසේ මෙසේ උදවිය නොවීමය. ඔහු ලිංගිකව හැසිරී ඇති එක් කාන්තාවක් තමන්ගේ ද ඥාතියෙක් වූ රටේ ජනාධිපතිවරයාගේ සොයුරියකි. රජයේ ඇමැතිවරු 20 දෙකුගේ බිරින්දෑවරු හා සොහොයුරියන් සමඟත් ලිංගිකව හැසිරෙන බල්තසාර් ඒවා වීඩියෝගත කර තිබිය දී දූෂණ මර්ධන නිලධාරීන් අතට පත් විය. මීට අමතරව රජයේ ඉහළ නිලධාරින්ගේ බිරින්දෑවරු හා සොහොයුරියන් සමඟත්, සිය සොහොයුරාගේ බිරිය හා සිය ඥාති සොහොයුරියන් සමඟත් ඔහු ලිංගිකව හැසිරී තිබිණි. බල්තසාර් ගැන ඒ කතාවත් වීඩියෝ පටවලින් හෙළි වූයේය.
මේ වනවිට සමකගිනියාවේ ඉහළම පවුල්වලින් යම් ප්රමාණයක පවුල් ආරවුල්ය. අතේ කෝට් කේස් නිසා රටම හඳුනන කාන්තාවන් බොහෝ දෙනෙකුට එළියට බහින්නට බැරි තත්ත්වයක් මෙන්ම දේශපාලකයින් සමහරකට සමාජයට මුහුණ දීමට බැරි තත්ත්වයක් ඇති වී තිබේ.
බල්තසාර් එබන්ග් එංගොන්ගා ගේ සිය ගණන් අසභ්ය වීඩියෝ ගංවතුරක් සේ අන්තර්ජාලය ඔස්සේ හුවමාරු වීමත් සමග තම කාර්යාල තුළ ලිංගිකව හැසිරෙන සිවිල් සේවකයන්ට “දැඩි ක්රියාමාර්ගවලට” මුහුණ දීමට සිදුවනු ඇති බවට සමක ගිනියාවේ උප ජනාධිපතිවරයා අනතුරු ඇඟවූයේය. සමකගිනියාවේ උප ජනාධිපති ටියෝඩෝරෝ ඔබියැන්ග් මැංගු පැවසුවේ මෙය “ආචාරධර්ම සංග්රහය අමු අමුවේ උල්ලංඝණය කිරීමක්” බැවින් රැකියාවේදී ලිංගික ක්රියාවන්හි යෙදෙන ඕනෑම නිලධාරියෙකුගේ වැඩ තහනම් කරන බවය.
“අශෝභන සහ නීති විරෝධී ක්රියා” වලට එරෙහිව සටන් කිරීම සඳහා සෑම රාජ්ය ආයතනයකම සහ අමාත්යාංශවල නිරීක්ෂණ කැමරා සවි කරන ලෙස ද දැන් ඔහු නියෝග කර තිබේ. “රටේ ප්රතිරූපය නිග්රහ කරන” බර්තසාර් ගේ වීඩියෝ පට විශාල වශයෙන් ප්රචාරය වීම හේතුවෙන් මෙම තීරණය ගෙන ඇති බව උප ජනාධිපති කාර්යාලයේ නිවේදනයක දැක්වේ. එම වීඩියෝ ප්රචාරණය වීම මැඩපැවැත්වීම සඳහා මේ වනවිට සන්නිවේදන සමාගම්වලට රජය නියෝග කර ඇත.
.
වීඩියෝ සම්බන්ධයෙන් ඇති වූ කෝපයෙන් පසුව සමක ගිනියාවේ ප්රධාන අභිචෝදක අනටෝලිඕ එන්සන්ග් එන්ගුමා රාජ්ය රූපවාහිනියට පැවසුවේ එන්ගොන්ගා “ලිංගිකව සම්ප්රේෂණය වන රෝගයකින් ආසාදනය වී ඇති” බව අනාවරණය වුවහොත් ඔහුට “මහජන සෞඛ්යයට” එරෙහි වරදක් සම්බන්ධයෙන් ද නඩු පවරන බවය.
