ධ්යම පළාතේ බොහොමයක් පාසල්වල ගුරුවරු පාසල් වේලාවෙන් පසු හා සති අන්ත නිවාඩු දිනවල මුදල් අයකර අමතර පංති පවත්වන බවටත් ඇතැම් පාසල්වල ක්රීඩා පුහුණුකරුවන් ද පෞද්ගලික ක්රීඩා පුහුණු පංති පවත්වාගෙන යමින් ඒවාට පැමිණෙන ලෙස දරුවන්ට බලපෑම් කරන බවටත් ලැබී ඇති පැමිණිලි අනුව චක්ර ලේඛණය උල්ලංඝනය කරමින් කටයුතු කරන ගුරුවරුන්ට එරෙහිව දැඩි විනයානුකූල පියවර ගන්නා බව මධ්යම පළාත් අධ්යාපන ලේකම් මේනක හේරත් පවසයි.
පාසලේ තමන් උගන්වන පංතියේම ඉගෙනුම ලබන සිසුන්ට මේ අයුරින් බලපෑම් කරන ගුරුවරු සම්බන්ධයෙන් මේ වනවිට මධ්යම පළාත් අධ්යාපන අමාත්යාංශය වෙත පැමිණිලි රැසක් ලැබී තිබෙන බව ද හෙතෙම කීය.
මෙම පංතිවලට සහභාගි නොවන දරුවන්ට ගුරුවරුන් විසින් පාසල් පංති කාමරයේ දී නොයෙක් අන්දමින් කායික හා මානසික වශයෙන් දැඩි පීඩා එල්ල කරන බවට ද පැමිණිලි ලැබී තිබුණු බව හෙතෙම පැවසුවේය.
එම පැමිණිලි සැලකිල්ලට ගනිමින් පළාත් අධ්යාපන අමාත්යාංශය මගින් විශේෂ පරීක්ෂණයක් පවත්වන බව ද කී පළාත් අධ්යාපන ලේකම්වරයා ගුරුවරුන්ට තමන් ගේ පංතියේ අධ්යාපනය ලබන සිසුන් සඳහා මුදල් අයකර උපකාරක පංති පැවැත්වීම අත්හිටුවමින් පසුගියදා චක්රලේඛණයක් නිකුත් කර ඇති බවද කීවේය.
අදාළ චක්ර ලේඛණය නිකුත් කිරීමත් සමඟ තමන් ගේ පංතියේම දරුවන්ට මුදල් අයකර උපකාරක පංති පවත්වන ගුරුවරු සම්බන්ධයෙන් පැමිණිලි 10 ක් පමණ ලැබුණු බව ද හෙතෙම සඳහන් කළේය.
මේ සම්බන්ධයෙන් පැමිණිලි ලද වහා අදාළ ස්ථාන නිරීක්ෂණයට යාම සඳහා විශේෂ වැටලීම් ඒකකයක් ස්ථාපිත කිරීමට පළාත් අධ්යාපන අමාත්යාංශය පියවර ගෙන ඇත.
නිර්දේශිත විෂය කොටස් නිසි පරිදි ආවරණය නොකර පහ වසර ශිෂ්යත්ව විභාග ඉලක්ක ප්රශ්න යැයි පවසමින් විවිධ බාහිර පොත්පත් හා ප්රශ්න පත්ර කට්ටල පාසල් වේලාවේ දී දරුවන්ට ලබා දී ඒවා සාකච්ඡා කිරීමට ඇතැම් ගුරුවරුන් පෙළඹී තිබෙන බවත් මේවා මිලට නොගන්නා දරුවන්ට නොයෙක් ආකාරයෙන් බලපෑම් කරන්නට ඔවුන් පෙළඹී තිබෙන බවත් පළාත් අධ්යාපන අමාත්යාංශය පවසයි.
මෙයට අමතරව තොරතුරු ලැබී ඇති පරිදි පෞද්ගලික ක්රීඩා පුහුණු පංති වලට සහභාගි නොවන දරුවන්ට පාසල් කණ්ඩායම් නියෝජනය කිරීමට අවස්ථාව නොදෙන තත්ත්වයට ඇතැම් පුහුණු කරුවන් පෙළඹී ඇතැයි ද ලේකම්වරා පැවසුවේය.
මධ්යම පළාත් අධ්යාපන අමාත්යාංශය නිකුත් කර තිබෙන අදාළ චක්ර ලේඛණය පළාත් සභා පාසල් වලට පමණක් බලපාන්නක් බවත් මේ වනවිට අදාළ කටයුත්ත බරපතල අන්දමින් සිදුවන්නේ ජාතික පාසල්වල බවත් පවසන දෙමව්පියෝ මේ සම්බන්ධව අධ්යාපන ඇමැතිවරයා ගේ අවධානය යොමුවිය යුතු යැයි ද ප්රකාශ කරති.
