ශ්රියානි විජේසිංහ
මහජන සෞඛ්ය පරික්ෂකවරුන්ගෙන් සැදුම්ලත් නව සංසදයක් ආරම්භ කිරිම ලබන 5 වෙනිදා සිදුකරන බවට මේ වන විට පැතිර යන ප්රවෘත්තිය සත්ය වුවහොත් තමා 6 වෙනිදා මහජන සෞඛ්ය පරික්ෂකවරුන්ගේ සංගමයේ සභාපති ධූරයෙන් ඉල්ලා අස්වෙන බව මහජන සෞඛ්ය පරික්ෂකවරුන්ගේ සංගමයේ සභාපති උපුල් රෝහණ සඳහන් කරයි.
සංගමයේ සභාපතිවරයා ලෙස තමා ලාභ ප්රයෝජන මත හෝ දේශපාලන වාසි මත කිසිවිටකත් තම වෘත්තිය පවා නොදුන් බව කියන සභාපතිවරයා මහජන සුභසිද්ධිය සහ තම සංගමයේ සාමාජිකයින්ගේ යහපත වෙනුවෙන් හැමවිටම ක්රියාකළ නායකයෙක් බවත් ලංකාසරට පැවසුවේය.
මිනිසුන්ගේ යහපත වෙනුවෙන් කථා කර විනය රික්ෂණයන්ට පවා මුහුණ දීමට තමාට සිදුවූ බව පෙන්වා දෙන උපුල් රෝහණ පටු අරමුණු වෙනුවෙන් තමා කටයුතු කළේ නම් මෙවැනි විනය පරික්ෂණයන් තමාට විරුද්ධව සිදු නොවනු ඇති බවද තමා දේශපාලනය
සම්බන්ධ නොවුවේ සැබෑ වෘත්තීය සමිති නායකයෙක් ලෙස කටයුතු කිරීමට අවශ්ය නිසා යැයිද කීවේය.
.තමා මුදලට අලෙවි වූවේ නම් හා දේශපාලනයට සම්බන්ධ වූවේ නම් මේ වන විට තමා සිටින්නේ පාර්ලිමේන්තුව තුළ යැයි ඔහු අවධාරණය කළේය.
